Dy shqiptarë janë arrestuar nga policia gjermane pasi dyshohet se kanë kryer vjedhje të shumta në zonë.
Pas një ndjekjeje nga policia, shqiptarët kanë përplasur makinën e efektivëve dhe kanë tentuar të arratisen. Dy u arrestuan, ndërsa një i tretë arriti t’ia mbathte.
Policia nisi ndjekjen me helikopterët e policisë federale për të gjurmuar shqiptarët.
Mbrëmjen e së premtes, policia ka rënë në gjurmët e hajdutëve pasi është njohur makina e tyre.
“Për shkak se ndodhi një kontroll në shkallë të gjerë trafiku, ne kishim shumë kapacitete dhe ishim shpejt në vend,” thotë Filip Van Steenbergen, shef i policisë së zonës së policisë KASTZE.
Kur ekipi ynë donte të ndalonte të dyshuarit, ata u larguan me makinën e tyre. Pas një ndjekjeje, ata përplasën automjetin e efektivëve në Kortenbergsesteenëeg, afër Blockmanstraat.”
Më pas tre të dyshuarit u larguan në këmbë. “Ne ngritëm një operacion kërkimi në shkallë të gjerë dhe morëm mbështetje nga helikopteri i policisë federale. Në fund arritëm të arrestonim dy burra. Një i tretë është ende i arratisur,” tha Van Steenbergen. “Të dyshuarit vijnë nga Shqipëria. Në makinën e tyre, me targë holandeze, gjetëm plaçkë që lidhet me vjedhje të ndryshme në rajonin Herent dhe Kortenberg.”/Albeu.com/
