Ekipet e shpëtimit nga SHBA, Kanadaja dhe Franca vazhdojnë të garojnë me kohën për të gjetur nëndetësen Titan që u zhduk të dielën gjatë një misioni për të kërkuar rrënojat e Titanikut, 900 milje detare në lindje të Cape Cod, Massachusetts.
Kërkimet janë intensifikuar pasi Roja Bregdetare e SHBA parashikon se furnizimi me oksigjen i nëndetëses do të mbarojë në orën 7:08 të mëngjesit, të enjten (13:08 me orën shqiptare), tha një zëdhënës dje pasdite.
Sipas specifikimeve të OceanGate, nëndetësja Titan ka një furnizim 96-orësh me oksigjen, me rojet bregdetare që vlerësuan të martën në mëngjes se ekuipazhit të saj prej pesë personash i kishin mbetur edhe 41 orë para se të mbaronte oksigjeni.
Ky fakt bëri që ekipet e shpëtimit të shtojnë përpjekjet e tyre duke skanuar një zonë dyfish më të madhe se Konektikati dhe një thellësi prej më shumë se 4000 metrash.
The sound detected in the search area for the missing sub is described as “banging noises,” Carl Hartsfield of the Woods Hole Oceanographic Institute says, but investigators haven’t confirmed it’s the sub.
“They have to eliminate potential man-made sources other than the Titan.” pic.twitter.com/BEKXBnwPJ4
— CBS News (@CBSNews) June 21, 2023
Kërkimi dje u fokusua në një zonë ku avionët kanadezë zbuluan “zhurmat nënujore”.
Tingujt bënë që kërkimet nga mjetet ajrore pa pilot të ridrejtoheshin, tha Roja Bregdetare e SHBA-së herët të mërkurën, duke vënë në dukje se përpjekja e deritanishme “ka dhënë rezultate negative”.
“Ne nuk e dimë se cilat janë zhurmat për të qenë të sinqertë,” tha Kryeshefi i Rojës Bregdetare të Qarkut të Parë, Jamie Frederick.
“Qëllimi do të jetë vazhdimi i kërkimit në ato zona ku u zbuluan zhurmat…”.
Instituti Oqeanografik Woods Hole paralajmëroi se është “shumë e vështirë” të dallosh burimin e zhurmave në oqeanin e gjerë, por gjetjet janë dërguar për analizë dhe rezultatet mbi origjinën e zhurmave priten sot.
Princi Polar, anija kërkimore që mbështet misionin turistik të së dielës që shoqëroi Titanin e zhdukur, gjithashtu mbetet në skenën e hetimeve.
“Pajisjet që janë mobilizuar për këtë janë më të mirat në botë, më të afta në botë,” u tha gazetarëve të mërkurën presidenti i Horizon Maritime Sean Litt.
“Ne duhet të mbajmë shpresën shpresën deri në fund.”
Dy skenarët
Jeff Carson, një studiues i detit të thellë, ofroi dy shpjegime të mundshme për nëndetësen e humbur Titan. E para është se një dështim mekanik mund të ketë penguar anijen të hedhë peshat e çelikut që e ndihmojnë atë të udhëtojë në fund të oqeanit, dhe shpjegimi i dytë dhe më i mundshëm është se nëndetësja u kap nën një pjesë të rrënojave të Titanikut.
Pasagjerët mund të kenë “ndeshur një fat të keq”, tha Carson, një profesor i shkencave të tokës dhe mjedisit në Universitetin e Sirakuzës, i cili ka kryer misione të shumta shkencore në fundin e oqeanit në bordin e një nëndetëse të quajtur Alvin.
Bazuar në përvojën e Carson, kushtet brenda nëndetëses janë ndoshta të ftohta dhe të kufizuara.
Temperaturat në dyshemenë e oqeanit janë pak mbi zero, dhe pjesa e brendshme e nëndetëses ka të ngjarë të pikojë nga kondensimi, shtoi ai.
Në rreth 12,500 këmbë (3810 m) nën nivelin e detit, mbetjet e Titanikut janë në një mjedis “shumë të rrezikshëm”, tha Carson, duke shtuar “në një thellësi të tillë ka heshtje vdekjeprurëse. Nuk ka rryma. Është thjesht një vend i pabesueshëm, i errët dhe i qetë.”
This video explains exactly what is going on with the Titanic tourist sub.
They have around 14 hours of oxygen left.
Truly terrifying. #Titan #titanicsubmarine pic.twitter.com/C5J4xY9iR4— Paul Golding (@GoldingBF) June 21, 2023
Operacioni i madh i shpëtimit
Për momentin, pesë anije kërkimore të Rojës Bregdetare të SHBA-së janë në kërkim të “Titanit” dhe brenda 24 orëve në vijim do të dyfishohen në 10. Në kërkim janë përfshirë edhe dy ROV, ndërsa automjete të tjera me telekomandë pritet t’i shtohen operacionit gjigant .
“Këto janë momente jashtëzakonisht të vështira për familjet e të bllokuarve në nëndetëse. Jemi në komunikim të vazhdueshëm me ta. Nuk duhet të humbasim shpresat. Hetimet janë në vazhdim. Jemi në mes të kërkimit dhe po shikojmë të gjithë faktorët. Nuk jemi ende gati për të marrë një vendim të vështirë. Nëse vazhdojmë, mund të arrijmë atë vendim dhe më pas do të flasim me familjet dhe më pas publikisht”, përfundoi zëdhënësi i Rojës Bregdetare të SHBA.
Marina amerikane ka një ROV që mund të operojë jo vetëm për të lokalizuar, por edhe për të tërhequr Titanin siç ka bërë tashmë në rastin e luftëtarit që u rrëzua në një thellësi prej 3780 metrash në Detin e Kinës Jugore në vitin 2022.
Operacioni i shpëtimit, i koordinuar nga Roja Bregdetare e SHBA-së, Marina e SHBA-së dhe Rojet Bregdetare Kanadeze, përfshin anijen skanuese nënujore të Deep Energy, Polar Prince, anija nga e cila u nis në det të thellë Titan. Një anije luftarake kanadeze me një dhomë hiperbarike me gjashtë persona dhe anija franceze Atalante janë në zonë. Marina amerikane dërgoi gjithashtu sistemin Flyaway Deep Ocean Salvage System, i cili është projektuar për të tërhequr objekte të rënda nga thellësitë e oqeanit si avionë ose varka të vogla.
Nga ajri, marrin pjesë dy avionë amerikanë C-130 dhe dy avionë nga Kanadaja, ndërsa ROV-të e ofruara nga kompania britanike Magellan, e specializuar në vëzhgimet në det të thellë, janë të vendosura kryesisht në Evropë./Albeu.com/
