Anija Ocean Viking, e marrë me qira nga organizata humanitare SOS Méditerranée, shpëtoi 110 emigrantë në një varkë të mbingarkuar në brigjet e Libisë, tha MKO me bazë në Marsejë.
Midis të shpëtuarve ishin 11 gra, dy prej të cilave shtatzëna, një foshnje dhe më shumë se 30 të mitur të pashoqëruar, tha SOS Méditerranée, duke sqaruar se emigrantët ishin kryesisht “nga Etiopia dhe Eritrea”.
Në vitin 2023, 3041 migrantë që u përpoqën të kalonin Mesdheun dhe të arrinin në Evropë humbën, sipas të dhënave nga Organizata Ndërkombëtare për Migracionin.
Që nga fillimi i vitit nuk dihet fati i 110 emigrantëve, sipas të njëjtit burim.
