Shpërthime të fuqishme në Kiev, goditet pallati 12 katësh, ka të lënduar (FOTO LAJM)

Shpërthime të fuqishme janë dëgjuar mëngjesin e kësaj të mërkure në Kiev, sipas raportimeve në mediat sociale.

Shërbimet e urgjencës së qytetit tani thonë se një ndërtesë banimi 12-katëshe në lagjen Shevchenko u godit nga bombardimet ruse rreth orës 6 të mëngjesit. Një ndërtesë fqinje nëntëkatëshe u dëmtua gjithashtu, thonë autoritetet, raporton BBC.

Autoritetet kanë shtuar se dy persona janë lënduar dhe 35 janë evakuuar nga ndërtesa. Zjarri u shua në orën 7:45 të mëngjesit dhe ekipet e shpëtimit po kërkojnë tani për të mbijetuar.

Videot e qarkulluara më herët në mediat sociale treguan shtëllunga të mëdha tymi që dilnin në ajër nga ndërtesat.

Banorët në të gjithë qytetin mbeten të zhytur në bunkerë, strehimore nëntokësore dhe shtëpitë e tyre mes një shtetrrethimi dyditor.

Zyrtarët kanë paralajmëruar se është një moment “i vështirë dhe i rrezikshëm” për kryeqytetin.

Gjithasht ka raportime se shpërthime janë dëgjuar dhe në Odesa dhe Zaporizhzhia./albeu.com

Shtuar 16.03.2022 07:34