Një makinë ka shpërthyer në flakë në autostradën Vlorë Fier pasditen e sotme. Sipas policisë, në afërsi të mbikalimit në Panaja, dyshohet se si pasojë e një defekti në automjet, ka marrë flakë gjatë lëvizjes, automjeti tip “Volkswagen”, me drejtues shtetasen E. D.
Fatmirësisht nuk ka të lënduar në njerëz por vetëm dëme materiale.
Njoftimi i policise:
Vlorë/Informacion paraprak
Rreth orës 16:20, në autostradën Vlorë-Fier, në afërsi të mbikalimit në Panaja, dyshohet se si pasojë e një defekti në automjet, ka marrë flakë gjatë lëvizjes, automjeti tip “Volkswagen”, me drejtues shtetasen E. D.
Nuk ka dëme në njerëz.
Grupi hetimor po punon për zbardhjen e plotë të rrethanave të ngjarjes.
