Shpërthen eksplozivi në një objekt në ndërtim në Vlorë

Një shpërthim ka ndodhur mbrëmjen e djeshme në Vlorë.

Ngjarja ka ndodhur në lagjen “Uji i Ftohtë” në një objekt në ndërtim, por që prej vitesh janë ndërprerë punimet.

Ndërtesa është në pronësi të shtetasit D. K., ndërsa dyshohet se gjatë natës ka shpërthyer një sasi e vogël lëndë plasëse, ku si pasojë ka vetëm dëme të vogla materiale.

Në vendngjarje ndodhet grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.