Policia ka rreaguar në lidhje me konfliktin në Hamallaj të Durrësit, ku dy fise janë konfliktuar dhe rrahur me shkopa bejsbolli.
Sipas policisë, në mesin e personave të përfshirë në sherrin për pronat ka qenë dhe një punonjës i Gardës, Martin Nikolla, i cili ka hapur zjarr në ajër me armën e shërbimit.
Tashmë janë shoqëruar të gjithë personat e përfshirë në konflikt.
“Rreth orës 11:30, në Hamallaj, dyshohet se për motive pronësie, janë konfliktuar duke përdorur mjete të forta, anëtarët e një familjeje, shtetasit P. K., K. K. dhe S. K., me anëtarët e një familjeje tjetër, shtetasit A. N., P. K. dhe M. N.
Gjatë konfliktit dyshohet se shtetasi M. N., punonjës i Gardës, ka qëlluar në ajër, me armën e shërbimit. Nga të shtënat nuk është dëmtuar asnjë person.
Shërbimet e Policisë, sapo kanë marrë njoftim, kanë shkuar menjëherë në vendngjarje dhe kanë bërë të mundur shoqërimin e të gjithë personave të përfshirë në konflikt, në Komisariatin e Policisë Durrës.
Grupi hetimor vijon punën për zbardhjen dhe dokumentimin e plotë të rrethanave të konfliktit.
Në përfundim të veprimeve të para hetimore dhe procedurale, do të ketë njoftim të plotë”, njofton policia.
Kujtojmë se, Martin Nikolla së bashku me vëllezërit e tij i kanë zënë pritë dhe kanë goditur me shkopinj bejsbolli e mjete të forta familjen Kaçi komshinj të tyre.
Ka qenë Pjetër Kaçi 80 vjeç kryefamiljar i familjes Kaçi, i cili po kalonte në rrugën e lagjes kur Martin, Alfred, Petrit dhe Arben Nikolla i kanë zënë rrugën duke i thënë pse na sheh dhe pas këtij debati e kanë goditur të moshuarin.
Më pas, duke parë konfliktin janë afruar djemtë e të moshuarit dhe janë përfshirë në sherr me familjen Nikolla, anëtarët e së cilës kanë me shkopinj bejsbolli, armë zjarri e mjete të tjera të forta.
Ata i kanë goditur dhe dhunuar te gjithë anëtarët e kësaj familje madje Martin Nikolla ka nxjerrë pistoletën duke ja drejtuar familjes Kaçi e me të ka gjuajtur 5 here në drejtim te tyre, por pa lënduar asnjë./albeu.com
