Një sherr mes dy të rinjve mbrëmjen e djeshme në Këlcyrë ka degraduar në përdorimin e thikave, ku ka mbetur i plagosur një 18-vjeçar, i cili ndodhet në spital jashtë rrezikut për jetën.
Përplasja mes tyre ka nisur për motive të dobëta, ndërsa policia ka bërë të mundur arrestimin në flagrancë të 17-vjeçarit A.B.
Në cilësinë e provës materiale u sekuestrua një thikë.
Njoftimi i policisë:
Këlcyrë
Specialistët e Seksionit për Hetimin e Krimeve në Komisariatin e Policisë Përmet arrestuan në flagrancë shtetasin A. B., 17 vjeç, banues në Këlcyrë, pasi mbrëmjen e djeshme, në Këlcyrë, ka goditur me mjet prerës (thikë), për motive të dobëta, shtetasin M. J., 18 vjeç, banues në Këlcyrë, i cili ka marrë ndihmën mjekësore në spitalin e Këlcyrës dhe ndodhet jashtë rrezikut për jetën.
Në cilësinë e provës materiale u sekuestrua mjeti prerës (thikë)./albeu.com