Shefi i OKB-së reagon ashpër për Klimën: Ne po hapim varret tona, mjaft e trajtuat natyrën si tualet!

Sekretari i Përgjithshëm i Kombeve të Bashkuara António Guterres, ka bërë një deklaratë të forte në Samitin e Klimës të mbajtur ditën e sotme në Glasgoë të Skocisë.

Guterres përforcon reputacionin e tij si një nga avokatët më të zëshëm për veprime urgjente për uljen e emetimeve të gazrave serrë.

Në konferencën e COP26 në Glasgoë ai tha se “varësia jonë ndaj lëndëve djegëse fosile po e shtyn njerëzimin në greminë”.

“Ose e ndalojmë ose na ndalon. Dhe është koha për të thënë, mjaft. Mjaft vramë veten me karbon. Mjaft duke e trajtuar natyrën si një tualet. Mjaft duke djegur, shpuar dhe minuar rrugën tonë më thellë. Ne po gërmojmë varret tona”, tha sekretari i përgjithshëm i OKB-së, António Guterres.

Sipas tij është një “iluzion” të mendosh se lufta kundër ndryshimeve klimatike është fituar. Sekretari i Përgjithshëm i Kombeve të Bashkuara, kujtoi se raportet e fundit mbi klimën kanë treguar parashikimin e një rritjeje katastrofike prej 2.7 gradësh./albeu.com/