21-vjeçari Jack Douglas Teixeira, një anëtar i Gardës Kombëtare Ajrore të Massachusetts, i cili është arrestuar dhe akuzuar për rrjedhje të dokumenteve të klasifikuara të Pentagonit dhe të inteligjencës amerikane, kishte publikuar informacione të klasifikuara shumë muaj më parë nga sa dihej deri më sot.
Sipas New York Times, rrjedhja e parë e profilit që i atribuohet 21-vjeçarit ndodhi në një grup me 600 anëtarë në platformën Discord, më pak se 48 orë pas fillimit të pushtimit rus të Ukrainës.
“Pashë një raport të Pentagonit që thoshte se 1/3 e forcave ushtarake po përdoren në pushtim,” shkroi përdoruesi.
Me sa duket duke dashur t’u bënte përshtypje të tjerëve në ekip që vunë në dyshim analizën e tij, ai komentoi se kishte akses në informacione që nuk ishin të disponueshme për publikun e gjerë, duke përmendur “përparësitë e të qenit në një njësi të inteligjencës së Forcave Ajrore të SHBA”.
Disa informacione të tjera që ai publikoi parashikonin zhvillime në fushën e betejës.
Më 27 mars 2022, ai ndau informacione të klasifikuara në lidhje me tërheqjen e trupave ruse të dislokuara pranë Kievit, duke cituar informacionin që ai pretendonte se vinte nga NSA (Agjencia e Sigurisë Kombëtare e SHBA).
“Lajm i rëndësishëm”, ka shkruar ai.
“Mund të ketë një tërheqje të rregullt të trupave në perëndim të Kievit dhe gjetkë.”
Dy ditë më vonë, Moska njoftoi tërheqjen e trupave ruse nga periferitë e kryeqytetit ukrainas./Albeu.com/.
