Shtetet e Bashkuara janë të vendosura në qëndrimin e tyre për të mos dërguar asnjë avion ushtarak në Ukrainë.
Lajmin e bëri të ditur një zyrtar i lartë amerikan, i cili i tha CNN se qëndrimi i SHBA-së nuk do të ndryshojë për këtë çështje.
Kjo deklaratë erdhi mbas fjalimit që u mbajt ditën e enjte, ku presidenti ukrainas Volodymyr Zelensky i kërkoi NATO-s një për qind të të gjithë avionëve të tyre.
“Ju keni mijëra avionë luftarakë, por ne nuk na është dhënë ende një”, shprehet ai.
Më parë, zyrtarët amerikanë thanë se kundërshtonin ofrimin e avionëve luftarakë për Ukrainën sepse mund të shihej nga presidenti rus Vladimir Putin si një hap përshkallëzues për zhvillimin e luftës./albeu.com/
