Koalicioni i Shqiptarëve për Luginën i Shaip Kamberit pritet që të fitojë një mandat deputeti në Kuvendin e Serbisë pas zgjedhjeve të djeshme parlamentare dhe presidenciale.
Alternativa për Ndryshim e Shqiprim Arifit me shumë mundësi nuk do të ketë asnjë ulëse në Kuvendin e Serbisë.
Është votuar në gjithsej 8.267 vendvotime dhe Komisioni Republikan i Zgjedhjeve (KRZ) ka përcaktuar se të drejtën e votës në zgjedhjet presidenciale dhe parlamentare kanë 6.502.307 qytetarë të Serbisë.
Për rreth 100.000 votues nga Kosova, votimi në zgjedhje është organizuar në komunat më të afërta të Serbisë.
Qytetarët e Serbisë e zgjodhën presidentin nga tetë kandidatët, ndërsa kandidatët nga gjithsej 19 lista parlamentare luftuan për 250 vende.
