Në fund të këtij samiti, Kryeministri Edi Rama postoi në rrjetet e tij sociale disa momente kryesore nga ky takim i rëndësishëm ndërsa u shpreh “krenar për Shqipërinë”.

Më herët, në fjalën e mbajtur gjatë punimeve të samitit, Kryeministri deklaroi se, plani i ri i rritjes është një platformë kyçe për të përshpejtuar hyrjen në Bashkimin Evropian.

“BE po mbështet vendet e rajonit në rritjen ekonomike dhe integrimin me një plan të ri të rritjes.

Për herë të parë të gjithë ne në Ballkanin Perëndimor biem dakord se BE nuk po bën vetëm punën e zakonshme, por po shkon një hap më tej për t’u afruar me ne, për të na mbështetur në rritjen tonë ekonomike dhe integrimin tonë në një plan të ri të rritjes, i cili faktikisht është një nisëm e konceptuar jashtë kornize”, tha Rama.

Plani i BE-së për Ballkanin Perëndimor synon rritjen ekonomike të rajonit, përshpejtimin e reformave të duhura, dhe kryerjen e investimeve, që mund të avancojnë procesin e zgjerimit të BE-së me këto vende.

Plani i Zgjerimit të Ballkanit Perëndimor bazohet në 4 shtylla kryesore:

– Rritja e integrimit ekonomik me Tregun Unik të Bashkimit Evropian;

– Rritja e integrimit ekonomik brenda Ballkanit Perëndimor përmes Tregut të Përbashkët Rajonal;

– Përshpejtimi i reformave themelore;

– Rritja e ndihmës financiare.

BE-ja do të hapë zona të caktuara të tregut të përbashkët të BE-së për partnerët e Ballkanit Perëndimor përpara anëtarësimit, duke sjellë përfitime të prekshme për qytetarët e tij.

The post “Krenar për Shqipërinë”- Rama poston pamje nga Samiti i Ballkanit Perëndimor appeared first on Albeu.com.

Osmani tha se ka dëgjuar shumë deklarata përkrahëse për prespektivën europiane për Kosovën por se tanimë duhet të shkohet nga teoria në praktikë.

“Kemi dëgjuar shumë deklarata përkrahëse për Kosovën, për perspektivën evropiane të saj, për liberalizimin e vizave, e treta për rreshtimin e plotë të Kosovës me BE-në sa i përket sanksioneve ndaj Rusisë. Duhet të shkojmë tash nga fjalët në veprime. Na duhen hapa konkretë. Duhet të merret vendimi për liberalizim të vizave. Kanë qenë deklarata më pozitive që kemi dëgjuar deri më tash për liberalizim, përfshirë edhe nga shtetet që kanë qenë hezituese”, tha Osmani pas samitit./albeu.com

The post Osmani pas Samitit: Morëm shumë deklarata mbështetëse për liberalizimin e vizave, por duhen hapa konkretë appeared first on Albeu.com.

Pas këtyre komenteve ka ardhur edhe reagimi i Lëvizjes Vetëvendosje në Tiranë. “Përqafimi që Rama i bëri Kurtit nuk ishte i llojit vëllazëror. Ai ishte përqafim prej boksieri, edhe pse Kurti nuk kishte ardhur aspak për ndeshje me Ramën, por për koordinim kombëtar. Rama i dha, megjithatë, një përqafim prej atyre që boksieri bënë për të marrë pak frymë e për t’u shplodhur, para grushtit të radhës. Dhe grushti erdhi menjëherë pas “përqafimit”, në intervistën për “Euroneës Serbia”, ku Rama e goditi nismën e qeverisë Kurti për ta paditur Serbinë për gjenocid në Kosovë”, shkruan kreu i VV-së në Shqipëri, Boiken Abazi.

Lëvizja Vetëvendosje kandidoi me tre emrat e saj në zgjedhjet e 25 prillit. Mes Kurtit dhe Ramës ka pasur një përplasje ndër vite dhe se marrëdhëniet e tyre nuk janë si ato me kryeministrat e mëparshëm të Kosovës.

The post Fotoja Rama-Kurti bëri xhiron e rrjetit, Abazi: Nuk ishte vëllazërore, por “përplasje” boksierësh appeared first on Albeu.com.

Komisioneri për Zgjerimin në Bashkimin Evropian, Olivér Várhelyi tha sot në një konferencë të përbashkët me kryeministrin Edi Rama se kishte mbërritur me një lajm të mirë në Shqipëri.

Bëhet fjalë për një marrëveshje të arritur vetëm javën e shkuar në Këshillin Evropian për 30 miliardë euro në formë investimesh në rajonin e Ballkanit Perëndimor.

“Lajmi që solla sot këtu për ju është se ne kemi një marrëveshje tashmë në BE për financimin e këtij plani.

Javën e kalaur arritëm marrëveshjen me Këshillin dhe Parlamentin Evropian për programin IPA 3 , është asistenca, fondet para aderimit, që do jetë mekanizëm me anë të të cilit do financohet ky plan.

Nga ana jonë jemi gati të fillojmë dhe me fondet këtë plan investimesh.

Duam dhe partnerët të nisin me këtë plan sa më shpejt të jetë e mundur.

Ne po hyjmë në muajin qershor që është muaj kritik për Ballkanin Perëndimor.
Kemi shumë cështje mbi tryezë, ne në BE duam të organizohen konferencat ndërqeveritare me Serbinë e Malin e Zi, duam të organizohen dy konferencat e para ndërqeveritare me Shqipërinë dhe Maqedoninë e Veriut e kemi këtë samit të sotshëm që të tregojmë rezultatet.

Ky muaj, ky vit mund të jetë vërtet muaji ose viti i Ballkanit Perëndimor, por ne të gjithë duam të tregojmë rezultate e arritjet”, tha Várhelyi.

“Ne jemi të gatshëm të rikonfirmojmë planin e investimeve, 30 miliardë euro në formë investimesh në rajon, por ky plan nuk do funksionojë nëse rajoni nuk funksionon si një i tërë, nëse s’ka treg rajponal, ska kuptim autostradat nëse makinat do ndalojnë cdo 100 metra, s’ka kuptim për hekurudhat nëse trenat do hasin vështirësim apo rrugë tregtie nëse do duhet të ketë 6 cerifikata për këto mallra. Pra ky plan ekonomik do japë rezultate vetëm në rast se ky rajon punon për këtë treg rajonal e ky është dhe mjedisi ku do funksionojë”, shpjegoi më tej Varhelyi.

The post “Po hyjmë në një muaj kritik”: Komisioneri Varhelyi jep lajmin e marrëveshjes së arritur, për çfarë bëhet fjalë appeared first on Albeu.com.

Fjala e Edi Ramës

I falenderoj të gjithë kryetarët e shtetit të qeverive të pranishëm nga të gjitha vendet e Ballkanit Perëndimor. Por më shumë falenderoj komisionerin që ndërroi axhendën e tij për të ardhur këtu.

Jemi mbledhur për të shtyrë përpara një proces që nuk ka rëndësi çfarë thotë njëri e tjetri, por rëndësi ka që të çojë përpara njehsimin e Europës në rajonin tonë. Ky proces është i mbështetur dhe nga një plan financiar në kuadrin e një plani investimesh të BE-së që për nga volumi i fondeve të vëna në disponim, për infrastrukturë hekurdhore, rrugore e portuale, të gjithë sektorit të energjisë, të digjitalizimit.

Kjo përbën lëvizjen më të madhe historikë të Bashkimit Europian. Ishte një kënaqësi sepse më në fund takimi nuk ishte virtual. Ne kemi mundësi që t’i mirëpresim pa masa shtrënguese, besoj se edhe komisioneri e delegacioni nga Brukseli ndjehen mirë që maskat e Brukselit i hoqën në Tiranë. Planët e punëve janë konkrete.

Është një nga ato momente që duhet të pranojmë se Bashkimi Europian të veten e ka bërë, ne na takon të bëjmë tonën. Mbetemi të palëkundur se projekti ai i atij që unë e quaj shengeni Rajonal,dikush tjetër e quan mini-shengen, dikush tjetër mund të mos e thërrasë më fare në emër, s’ka rëndësi. Rendësi ka që është diçka që do na sjellë përfitime si rajon. Procesi i Berlinit shpresoj të kalojë në Komisionin Europian me dëshirën që 5 korriku të jetë i fundit që bëhet në formatin e deritanishëm dhe ai i vitit të ardhshëm të bëhet me praninë e vendeve të Ballkanit.

Ambicia është që avancimi rajonal me 4 liritë e BE-së të njihen edhe në vetë vendet brenda unionit. Të lëvizin lirshëm brenda nesh edhe pse nuk jemi pjesë e BE-së.

The post Samiti i Tiranës, Rama: 5 korriku i vitit që vjen të na gjejë të ulur në Komisionin Europian appeared first on Albeu.com.

Në fjalën përshëndetëse në Samitin e mbledhur në Pallatin e Brigadave, kryeministri Edi Rama ka kërkuar prej gazetarëve ta lënë të bëjnë punën, thënë ndryshe ka kërkuar të largohen.

“Përpara se sa të nisim seancën e punë, ju falenderoj shumë që pranuat ftesën në një kohë kaq të shkurtër. Jam i lumtur që t’ju uroj të gjithëve mirëseardhjen në Tiranë. Kjo është një shenjë e qartë e vullnetit tonë për të marrë një autorësi rajonale të zbatimit të planit të BE-së, ekonomik dhe të investimeve për Ballkanin Perëndimor. I jam dhe shumë mirënjohës dhe komisionerit që e nisi dhe e prmovoi këtë plan të madh si një instrument kyç që do të nandihmojë të rimëkëmbemi në një epokë post-pandemike. Të na çojë apo të shkojmë drejt rritjes së qëndrueshme. Faleminderit dhe do t’i kërkoja me mirësjellje medias që të na lërë të vazhdojmë punën. Si fillim do të doja t’i jepja fjalën komisionerit për të krijuar….”- tha Rama.

The post “Na lini të vazhdojmë punën”, Rama përzë gazetarët nga Samiti appeared first on Albeu.com.

Varhelyi bën me dije se do të diskutohet mbi planin ekonomik dhe atë të investimeve.

Reagimi

Oliver Varhelyi

“Përpara Samitit të Tiranës me drejtuesit e # Ballkanit Perëndimor u takova me Kryeministrin.
@ediramaal sot. Ne do të diskutojmë zbatimin e Planit Ekonomik dhe të Investimeve, të paraqitur për rajonin nga @EU_Commission, si dhe do të shohim përpara në Samitin e Procesit #Berlin me udhëheqësit e rajonit në 5 korrik.”

Ahead of Tirana Summit with leaders of #WesternBalkans I met PM @ediramaal today. We will discuss implementation of Economic&Investment Plan, put forward for the region by @EU_Commission, as well as look ahead at #BerlinProcess Summit with the region’s leaders on 5 July. pic.twitter.com/SV0sxjFP4Q

— Oliver Varhelyi (@OliverVarhelyi) June 10, 2021

The post Nis samiti i liderve ballkanikë, Varhelyi zbulon për çfarë do flitet appeared first on Albeu.com.

Shqipëria do të jetë mikpritësja e samitit të radhës i cili zhvillohet në Pallatin e Brigadave, ku pjesë do të jenë shqiptar drejtuesit më të lartë të Kosovës, Serbisë, Maqedonisë së Veriut, Malit të Zi dhe Bosnje Hercegovinës.

Ndërkohë drejtuesit e Samitit do të jenë kryeministri shqiptar, Edi Rama dhe Komisioneri për Zgjerimin, Oliver Varhelyi.

Ky Samit është shumë i rëndësishëm pasi vjen vetëm 2 javë para vendimit të pritshëm në Bruksel për nisjen e negociatave për Shqipërinë dhe Maqedoninë e Veriut.

Ndërsa pritet të miratohet një deklaratë e Përbashkët e Liderëve për të vazhduar axhendën evropiane, takimi do të vazhdojë me një konferencë për shtyp e kryeministrit Edi Rama, dhe komisionerit për zgjerim, Varheli.

Më pas liderët në një drekë pune do të diskutojnë për rimëkëmbjen ekonomike të Ballkanit Perëndimor pas pademisë.

The post Samiti i Ballkanit Perëndimor në Tiranë, Samiti drejtohet nga Rama dhe Varhelyi appeared first on Albeu.com.