Ndërsa rastet e reja me COVID-19 në Shqipëri po vijojnë të jenë në rritje, Ministrja e Shëndetësisë Ogerta Manastirliu ka bërë thirrje për qytetarët që të vaksinohen gjatë këtij muaji ku të gjithë mbi 18 vjeç mund të marrin vaksinën anti-Covid.
“Shifrat në rritje të infektimeve ditore na ftojnë të gjithëve për përgjegjësi morale dhe qytetare, për t’u vaksinuar sa më parë ndaj #Covid19, për mbrojtjen e shëndetit dhe jetës
Mbi 1100 vaksinatorë janë çdo ditë në shërbim të qytetarëve për vaksinimin anticovid, në çdo qendër shëndetësore dhe pikë vaksinimi të përqëndruar.
Shfrytëzoje këtë muaj të hapur të vaksinimit masiv për çdo qytetar +18 vjeç, për t’u vaksinuar sa më parë ndaj #Covid19”, shkruan Manastirliu në Facebook./albeu.com
