Një 24-vjeçar nga Liverpool-i është dënuar këtë të martë me burgim të përjetshëm, pasi u shpall fajtor për rrëmbimin dhe abuzimin seksual të një 6-vjeçareje.
Vajza kishte qenë duke luajtur në oborrin e shtëpisë së saj me disa kushërinj moshatar, kur u rrëmbye nga pedofili.
Lewis Jones iu afrua të rinjve dhe u kërkoi ta ndihmonin të mblidhte shkopinj, përpara se ta kapte vajzën e re rreth belit, t’i vendoste dorën në gojë dhe të ikte me të në shtegun hekurudhor të papërdorur, larg kushërinjve të saj.
Menjëherë nga familja nisi një kërkim në zonë me fëmijën e gjetur pak më vonë. Oficerët e policisë vazhduan kërkimin e zonës për të dyshuarin, dhe pak më vonë u arrestua.
Kur u ribashkua me nënën e saj, u bë e qartë se ajo kishte qenë viktimë e një sulmi seksual, dëgjoi Gjykata e Kurorës së Mançesterit.
Ajo u dërgua në Qendrën e Referimit për Sulmet Seksuale të Shën Marisë, ku mori kujdes të specializuar dhe iu ofrua mbështetje familjes së saj.
Duke e dënuar Jonesin me burgim të përjetshëm sot, gjykatësja Manley iu referua Jones si një individ i rrezikshëm që kishte shumë gjasa të kryente vepra të tjera, të rënda./Albeu.com/
