Reshjet e dendura të shiut përmbytën Vlorën, reagon Ermal Dredha: Ekipet e bashkisë në terren, brenda 2 orëve situata u kthye në normalitet

Kryebashkiaku Ermal Dredha ka reaguar pas përmbytjes së qendrës dhe disa nga akset rrugore në qytetin e Vlorës.

Reshjet e dendura të shiut të cilat pushtuan jugun e Shqipërisë pasditen e sotme shkaktuan përmbytje masive në Vlorë duke shkaktuar bllokim të qarkullimit si dhe probleme serioze për bizneset në disa zona.

Të lidhura

Stuhi me reshje të forta shiu në Vlorë, pushuesit "ia mbathin" nga plazhi, rrugët bëhen "gjol"

Dredha njofton se tashmë situata është nënkontroll dhe se rrugët e qytetit janë kthyer në normalitet të plotë.

“Pas reshjeve intensive të shiut, brenda më pak se 2 orësh, rrugët e qytetit janë kthyer në normalitet të plotë, falë angazhimit të menjëhershëm të Ujësjellësit dhe të gjitha ekipeve të bashkisë! Puna vazhdon për pastrimin e të gjithë territorit!”