India vijon të goditet nga pandemia, teksa në 24 orët e fundit janë regjistruar 3, 780 viktima nga COVID-19 dhe janë shënuar 382, 315 raste të reja.
Aktualisht në Indi shifrave e të infektuarve me COVID-19 i tejkalon shifrat e 20 milionë, ndërsa sistemet shëndetësorë vijojnë të mbeten në kaos për shkak të radhëve të gjatë në spitale të cilat janë përballur me mungesë të shtretërve dhe mungesë të oksigjenit.
Ndërkohë qeveria e kryeministrit Narenda Modi është kritikuar për keqmenaxhim të situatës së pandemisë, dhe është akuzuar se nuk ka ndërhyrë në kohën e duhur për të marrë masa shtrënguese që të parandalohej një gjendje e rëndë në spitale për shkak të valës së dytë të koronavirusit.
Opozita në Indi ka bërë thirrje që vendi të mbyllet, ndërsa nga ana e qeverisë ka pasur një hezitim për të marrë këtë vendim për shkak të rrezikut sipas saj me të cilën mund të përballet ekonomia.
