Përbërësit:

▪ 70 g jogurt
▪ 20 kumbulla
▪ 2 banane të ngrira
▪ një lugë mjaltë, sipas dëshirës edhe më shumë nëse doni shije të ëmbël
▪ një lugë e vogël vanilje
▪ një lugë e vogël lëng limoni
▪ një lugë fara chia

Përgatitja:

I bashkojmë të gjithë përbërësit i fusim në blender. Trazojmë mirë gjithë përbërësit.

Masën e përgatitur e hedhim në enën për akullore, të cilën e kemi futur paraprakisht në frigorifer.

Pasi kanë kaluar pak orë do të shohim që akullorja është gati dhe kur do ta shijojmë, do ta kuptojmë që mundimi që kemi bërë në përgatitje ia vlen.

Shijojeni!/albeu.com

The post Do ta përgatisni çdo ditë, receta për akullore me kumbulla appeared first on Albeu.com.

Pas tavolinës së patatinave, radhën e ka një tjetër ushqim për t’u bërë i famshëm: Djath i pjekur me domate, ose makarona të përgatitura me djathin+domatet si salcë.

Sigurisht, që ideja (aspak e komplikuar), nuk u shpik në TikTok. Për herë të parë, receta u prezantua në 2019-ën nga Hayrinen, e cila e hodhi në blogun e saj.

The post Për momentin, kjo është receta më e famshme në TikTok, a ia vlen? Njerëzit thonë se po appeared first on Albeu.com.

Përbërësit:

▪ 1 avokado e pjekur
▪ 1 kënaçe qiqra 400 ml
▪ 1 qepë e vogël
▪ ½ limon
▪ kripë dhe piper sipas dëshirës
▪ bukë sipas dëshirës
▪ dy gjethe marule
▪ disa feta domate të freskëta sipas dëshirës
▪ koriandër të freskët sipas dëshirës

Përgatitja:

Shpëlajini qiqrat nga kënaçja dhe përziejini me avokadon. Me shtypës të patateve apo me pirun grimconi këto dy këto dy ushqime në një përzierje.

Marinoni përzierjen me limon të shtrydhur dhe copa të qepës së re. Shtoni kripë dhe zieni në avull sipas dëshirës.

Pluhuri i hudhrës gjithashtu do të shkojë në mënyrë të përsosur me këtë mbushje.

Nëse jeni duke përgatitur një sandviç për punë, mund të jetë më mirë ta kaloni këtë hap në përgatitje.

Masën e vendosni mes dy fetash buke dhe, sipas dëshirës, shtoni perime të gjelbra të freskëta dhe disa feta domatesh dhe disa gjethe të freskëta koriandër.

The post Një sanduiç proteinash, racioni i shpejtë për t’u marrë në punë appeared first on Albeu.com.

Koha e gatimit: 25 minuta

Përbërësit:

400 gram kungulleshka

50 gram gjalpë

2 lugë gjelle miell

2 gota kos

2 thelpi hudhër

700 ml lëng perimesh

kripë, piper

kopër

UDHËZIMET

1-Lani, qëroni kungujt dhe i prisni në feta rrumbullake. I vendosni për t’i skuqur në një tigan me vaj dhe më pas i lini në një enë me pecetë për të thithur vajin.

2-Në një tenxhere skuqni gjalpin, shtoni miellin dhe e trazoni mirë. Shtoni kosin, më pas lëngun e perimeve dhe hudhrat. E lini në zjarr për disa minuta.

3-Nga fundi shtoni kungujt, kripën, piperin dhe koperin. E hiqni nga zjarri dhe nëse dëshironi ta bëni supën kremoze i kaloni sipër një blender dore./albeu.com

The post Supë verore me kungulleshka dhe kos, receta më e shijshme që keni provuar ndonjëherë appeared first on Albeu.com.

“William dhe Harry vinin në kuzhinë mjaft shpesh duke kërkuar një ëmbëlsirë ose për të gjetur se çfarë kishte për darkë apo edhe thjesht për të rrëmbyer një copë fruti. Por herë pas here, ata provonin dorën e tyre në gatim”, – shkroi McGrady. “A mund të bëjmë darkë për mamin, të lutem?” më pyesnin”.

McGrady shtoi në librin e tij se “djemtë entuziazmoheshin shumë që e bënin atë” dhe “pa marrë parasysh se dukej si patëllxhani kur e përgatisnin, ata e shërbenin me krenari dhe princesha ishte e emocionuar”.

Për të përgatitur pjatën e preferuar të Dianës me patëllxhanë të mbushur, do t’ju duhen disa lloje përbërësish. Shumica e tyre janë perime që do të bëjnë mbushjen.

Do t’ju duhen:

• 2 patëllxhanë të vegjël;
• 4 lugë vaj ulliri (veç e veç);
• 1 kungull i njomë i madh, i grirë trashë;
• 1 spec portokalli, i prerë në kubikë;
• 2 degë selino të grira trashë;
• ½ filxhan qepë të kuqe, e prerë në kubikë;
• 1 ½ filxhan kërpudha, të prera në feta;
• 1 domate e madhe, e grirë imët;
• 2 feta proshutë;
• 1 filxhan djathë mocarela i grirë;
• 1 lugë gjelle borzilok i freskët i grirë;
• 2 lugë djathë kaçkavall i grirë.

Fillimisht, ngrohni furrën në 170 gradë Celcius. Më pas i presim përgjysmë patëllxhanët dhe i përgatisim për furrë. Grini pjesën e brendshme të patëllxhanit pasi ta keni gdhendur rreth skajeve.

Lyejeni çdo copë patëllxhani me vaj ulliri, shtrojini në një tepsi dhe futini në furrë për 20 minuta. McGrady sugjeroi t’i ktheni patëllxhanët në mes të kohës së gatimit, në mënyrë që fundet të mos bëhen shumë kafe. Hiqini patëllxhanët pas 20 minutash, ose kur pjesa e butë e tyre fillon të zbutet edhe më shumë.

Më pas, përgatisni mbushjen. Merrni kungujt, specat dhe selinonë të cilat më parë i keni prerë në kubikë. Unë do t’ju rekomandoja ta filloni këtë proces përpara se të piqni patëllxhanët ose ndërsa ato janë në furrë, pasi do t’ju duhet të prisni disa përbërës. Prisni  në kubikë qepën e kuqe e kërpudhat dhe grini imët domatet. Si fillim skuqni gjithë përbërësit, përveç domates, të cilën e shtoni pak më vonë kur perimet e tjera të jenë zbutur. Këta përbërës më vonë do të shtohen në patëllxhanët që gjenden në furrë.

Prisni imët proshutën dhe borzilokun dhe grini djathin mocarela. Lëreni tiganin të ftohet në temperaturën e dhomës për tetë deri në 10 minuta, më pas shtoni proshutën, djathin mocarela dhe borzilokun në përzierje.

Tani, shtoni pjesën e brendshme të grirë të patëllxhanëve në përzierjen e perimeve. Më pas, gjithë përzierjen shtojeni me lugë te patëllxhanët dhe spërkatini me djathë kaçkavall. Futeni sërish në furrë tavën përreth 15 minuta.

Në librin e tij të gatimit, McGrady shkroi se Princesha Diana shpesh “kërkonte që të lija një racion shtesë në frigorifer që t’i ngrohte në fundjavë”. Dhe unë mund të kuptoj pse. Shijet e perimeve në mbushje përzihen në mënyrë të mrekullueshme. Nuk është çudi që Princesha Diana kërkoi racione shtesë.

The post Princeshë Diana i dashuronte! Si të gatuani gatuani patëllxhanë të mbushur, pjatën e saj e preferuar appeared first on Albeu.com.

1.Leximi jo i plotë i recetës. Një kusht bazik që e dinë edhe fillestarët në kuzhinë është se duhet ta lexojmë recetën shumë mirë para se të fillojmë përgatitjen e ushqimit. Është e rëndësishme të lexojmë të gjitha hapat e recetës para se të blejmë përbërësit, sepse vetëm atëherë do të kemi një pamje të qartë të asaj që do të gatuajmë.

2.Pakujdesia në lexim. Kjo ndodh më shpesh se sa mendojmë. Madje edhe vendi ku është vendosur presja është i rëndësishëm. Si për shembull: “një filxhan arra, të copëtuara” është ndryshe nga “një filxhan arra të copëtuara”. Në rastin e parë do të thotë një filxhan me arra, të cilat do të copëtohen më vonë, ndërsa në rastin e dytë do të thotë nje filxhan me arra tashmë të copëtuara. Lexime të tilla të pakujdesshme mund të prishin një recetë, pasi përmasat nuk do të maten si duhet. Prandaj kujdes…

3.Harrojmë se ndodhemi në kuzhinën tonë. Dikush që njeh mirë recetat do të na japë kohën e saktë të gatimit, megjithatë çdo furrë gatimi është ndryshe dhe askush nuk njeh furrën dhe vatrat e kuzhinës tonë më mirë se ne. Çdo furrë nxehet ndryshe. Për shembull, një recetë mund të kërkojë 8 deri në 10 minuta për t’u pjekur, por ka shumë të ngjarë që të duhen vetëm 8 minuta në një furrë tjetër ose 12 minuta në një tjetër. Ne gjithmonë duhet të rregullojmë kohën e gatimit për t’iu përshtatur kuzhinës tonë.

4.Zëvendësimi i shumë përbërësve të recetës që në herën e parë. Kjo metodë nuk përbën problem, por nëse zëvendësojmë më shumë se tre përbërës në një recetë, atëherë e kemi ndryshuar atë rrënjësisht. Do të ishte mirë të ekzekutonim recetën saktësisht siç e kemi lexuar herën e parë, në mënyrë që të dimë se cila është shija e pritur. Pas kësaj mund të marrim iniciativën për të zëvendësuar ingredientët.

5.Keqinterpretimi në përdorimin e përbërësve. Një listë e ingredientëve shpesh mund të interpretohet gabim. Për shembull, nje ingredient mund të përdoret më shumë se një herë. Kjo na kthen në këshillën e parë, në leximin e kujdesshëm të recetave për të kuptuar se sa herë dhe si mund të përdoret një përbërës në një recetë. Një recetë mund të ketë nevojë për dy limonë, të cilët mund të përdoren në hapa të ndryshëm.

6.Nuk i kushtojmë vëmendjen e duhur udhëzimeve të recetës. Shpesh shohim fraza të tilla si:“shto ngadalë” ose “kthejmë me kujdes”. Këto fraza janë këshilla të rëndësishme. Për shembull, në rastet kur thuhet të shtoni qumësht ngadalë në përzierje dhe ne nuk e bëjmë atë, mund të rrezikojmë që pjata të dalë jashtë pritshmërive. Këto shprehje, pra, janë një nga “çelësat’ e suksesit në një recetë gatimi.

The post Gjashtë gabimet që bëjmë kur lexojmë recetat e gatimit appeared first on Albeu.com.