Krimi i rëndë në Tiranë/ Qëlloi për vdekje bashkëshorten, arrestohet 68-vjeçari Hysni Patushi

Paraditen e sotme, një ngjarje e rëndë ka tronditur Tiranën ku  68-vjeçari Hysni Patushi, vrau me thikë bashkëshorten e tij 58-vjeçare dhe u arratis.

Policia bën me dije se ka arrestuar Hysni Patushin, 68-vjeç, në zonën e Kamzës.

Të lidhura

Burri qëlloi për vdekje bashkëshorten, zbardhen detaje nga krimi i rëndë në Tiranë: Ngjarja ndodhi në sy të nipit të mitur dhe një familjari tjetër (EMRAT)

Ngjarje e rëndë në Tiranë, burri qëllon për vdekje gruan

“Vrau me mjet prerës bashkëshorten, vihet në pranga 68-vjeçari. Në vijim të informacionit paraprak të dhënë pak më parë, bëjmë me dije se, shtetasi H. P., 68 vjeç, i dyshuar se ka goditur me mjet prerës bashkëshorten e tij, shtetasen L. P., 58 vjeçe, e cila si pasojë ka humbur jetën, është lokalizuar dhe vënë në pranga nga shërbimet e Policisë. Grupi hetimor vijon punën për dokumentimin e plotë të rrethanave të rastit”, njofton policia.

Sipas raportimeve, ngjarja ka ndodhur në banesën e çiftit, ndërsa në momentin e krimit në shtëpi ndodheshin edhe dy të mitur, nipër të çiftit, si dhe dhëndri i tyre, i cili jetonte në banesën e vjehrrit.

Mësohet se goditja me thikë ka qenë fatale për 58-vjeçaren Lumturie Patushi, e cila ka ndërruar jetë.

Sipas të dhënave, çifti kishte pasur probleme edhe më herët. Dy të miturit dhe dhëndri janë marrë në pyetje nga grupi hetimor, në përpjekje për të zbardhur rrethanat e plota të ngjarjes.

Policia dhe grupi hetimor vijojnë punën për dokumentimin e plotë të rrethanave dhe motivit të krimit.