Presidenti rus, Vladimir Putin, merr pjesë në një takim të jashtëzakonshëm të udhëheqësve të Organizatës së Traktatit të Sigurisë Kolektive (CSTO) për të diskutuar situatën rreth situatës në Afganistan.
Presidenti rus, Vladimir Putin, merr pjesë në një takim të jashtëzakonshëm të udhëheqësve të Organizatës së Traktatit të Sigurisë Kolektive (CSTO) për të diskutuar situatën rreth situatës në Afganistan.
Presidenti rus, Vladimir Putin, ka thënë se është jetike që të shmanget përhapja e islamit radikal nga Afganistani në Azinë Qendrore dhe që ekstremistët të mbahen larg rajonit.
Sipas një njoftimi të Kremlinit ai e bëri këtë deklaratë gjatë një bisede me udhëheqësit e vendeve të Azisë Qendrore. Presidenti rus gjatë bisedës online ka thënë gjithashtu se është e rëndësishme të vëzhgohet me kujdes tregtia afgane e drogës.
Në këtë takim është shprehur shqetësim për faktin se grupi terrorist Shteti Islamik ende posedon terren në Afganistan dhe se i njëjti paraqet kërcënim, thuhet në njoftimin e Kremlinit, raporton Reuters.
Për këtë arsye, udhëheqësit kanë rënë dakord që të koordinojnë veprimet e përbashkëta për Afganistanin.
Bashkëthemeluesi i talibanëve, Mullah Abdul Ghani Baradar dhe ministri i Jashtëm kinez, Wang Yi gjatë takimit në Tianjin të Kinës më 28 korrik 2021.
Talibanët, më 15 gusht, pasi morën kontrollin e Kabulit, kanë deklaruar se kanë nën kontrollin e plotë të Afganistanit. Presidenti afgan, Ashraf Ghani u largua nga shteti, në kohën kur talibanët arritën në Kabul.
Rusia më 2003 e ka njohur grupin taliban si grup terrorist, por që atëherë ka mbajtur një sërë raunde bisedimesh në Afganistan. Bisedimet e fundit u mbajtën në mars, ku u përfshin edhe talibanët.
Ministri i Jashtëm i Rusisë, Sergei Lavrov ka thënë më herët se Moska mbështet “nisjen e një dialogu kombëtar, gjithëpërfshirës, ku do të merrnin pjesë të gjitha forcat politike dhe fetare të Afganistanit”.
Përmes një marrëveshjeje me SHBA-në për tërheqjen e trupave të huaja nga ky vend, talibanët janë zotuar se nuk do të lejojnë që territori i Afganistanit të përdoret nga grupet terroriste.
Presidenti rus, Vladimir Putin, merr pjesë në një takim të jashtëzakonshëm të udhëheqësve të Organizatës së Traktatit të Sigurisë Kolektive (CSTO) për të diskutuar situatën rreth situatës në Afganistan. / REL
