Flokët kanë nevojë për gjumë bukurie ashtu si lëkura. Dhe ndërsa ne investojmë shumë kohë dhe përpjekje në kujdesin e duhur të lëkurës tonë para se të shkojmë në shtrat, flokët tanë meritojnë të njëjtën vëmendje. Ndoshta nuk e keni kuptuar, por duke i mbajtur flokët lëshuar gjatë gjumit i dëmtoni shumë ato.
Shikoni më poshtë sesi dëmtohen fijet e flokut kur ju i mbani lëshuar gjatë fjetjes.
Do të zgjoheni me flokë të ngatërruara
Ndëra flini, flokët e lëshuar kanë shumë gjasa që të ngatërrohen. Kjo ndodh për shkak të fërkimit që ndodh me jastëkun. Jo vetëm që do ju ngatërrohen, por do të keni edhe majat ë dyfishta, informon albeu.com.
Mund t’ju shkaktojnë puçrra në fytyrë
Nëse keni një lëkurë të ndjeshme, të prirur për puçrra, është mirë që flokët gjatë natës t’i mbani lidhur. Produktet që përdorni për flokët mund të futen në lëkurë gjatë natës dhe të bllokojnë poret. Kjo nga ana tjetër mund të çojë në puçrra dhe acarim lëkure. Në fakt, njerëzit që kanë puçrra në shpinë, u janë shfaqur nga mbajtja e flokëve lëshuar.
Mund të sabotojë rritjen e flokëve tuaj
Kur flokët tuaj ngatërrohen, kjo do të thotë që kutikula e tyre ngrihet dhe qëndron e hapur. Flokët e dëmtuar rriten ngadalë, dhe nëse po ëndërroni flokë të gjatë sigurohuni që t’i mbroni ndërsa jeni duke fjetur, informon albeu.com.
Do të bëhen me maja të dyfishta
Majat e dyfishta nuk janë vetëm bezdisëse, por i bëjnë flokët tuaj të duken keq. Prandaj është e rëndësishme t’i mbani flokët e kapura gjatë natës. Nëse nuk flini dot ashtu, sigurohuni të paktën që këllëfi i jastëkur tuaj të jetë mëndafshi.
Mund të ndikojë në cilësinë e gjumit tuaj
Fjetja me flokë lëshuar do t’ju bezdisë gjatë natës. Flokët do t’ju kalojë nga fytyra dhe gjumi juaj do të prishet. Mënyra më e mirë për t’u kujdesur për flokët dhe për gjumin cilësor, është të kapni një bishtalec të lirë./albeu.com
