Prej 39 ditësh rresht, sheshi përballë Kryeministrisë vijon të mbushet me protestues, ndërsa kërkesa e tyre mbetet e njëjtë: largimi i Edi Ramës nga posti i kryeministrit.
Një prej pjesëmarrësve në tubim iu drejtua kreut të qeverisë me tone të ashpra, duke e akuzuar se po e shënon çdo ditë e më shumë veten si njeriu më i papërshtatshëm në atë detyrë. Ai tha se Shqipëria nuk poshtërohet sepse nuk këndon Kenie West, por sepse në spitalet shtetërore nuk bëhen analiza gjatë javës së fundit të çdo muaji. Sipas tij, vendi turpërohet edhe për gjendjen në Onkologjik, ku ka trauma pothuajse çdo ditë dhe mungon radioterapia, pajisja e domosdoshme për trajtimin e kancerit të gjirit. Protestuesi shtoi se Shqipëria turpërohet nga mungesa e një Scan-i në inventarin e spitaleve, ndërsa qytetarët që vuajnë nga tumoret detyrohen të paguajnë mbi 1 mijë e 500 euro. Ai e lidhi këtë edhe me arsimin, duke thënë se po degradon çdo ditë, dhe e mbylli reagimin me pyetjen se si nuk pati turp të jepte 4 mln euro për një këngëtar.
Të lidhura
None found
Revoltes i është bashkuar edhe një tjetër protestuese, e cila ka ardhur nga Franca dhe ka kërkuar po ashtu largimin e Ramës.
Ajo u shpreh se është lindur dhe rritur këtu, ndërsa sot jeton në Francë, por mbetet bijë e këtij vendi dhe vjen me shpresën për të jetuar në Shqipëri. Sipas saj, vendi po shkon drejt degradimit për shkak të çmimeve të larta dhe mungesës së mjekësisë e të shërbimeve të tjera. Ajo tha se çdo ditë flitet për Zvërnecin dhe Vjosën, ndërsa ajo zgjedh të flasë për Golemin, duke theksuar se është vajza e Golemit, i cili është masakruar dhe prishur. “Nga para hotelit duket bukur, nga mbrapa duket keq”, u shpreh ajo, duke shtuar se janë të zhgënjyer nga ky vend. Protestuesja kujtoi se prej 36 vitesh, sipas saj, këtij populli i është pirë gjaku dhe u bëri thirrje qytetarëve të mos dorëzohen, por të vazhdojnë çdo ditë. Në fund, ajo kërkoi që të mos torturohet më populli.
