Protesta mbarëkombëtare kundër qeverisë vazhdon edhe këtë të shtunë, duke hyrë në ditën e 42-të të saj. Sipas organizatorëve, në tubimin e sotëm pritet t’u bashkohen edhe shqiptarë nga diaspora, të cilët prej kohësh kanë shprehur mbështetje për këtë nismë.
Fokusi kryesor i protestuesve mbetet dorëheqja e kryeministrit Edi Rama. Një ditë më parë, ata marshuan në disa nga rrugët kryesore të Tiranës, ndërsa thërrisnin slogane si: “Qeveri e krimit”, “Rama në burg, Berisha në burg”, “Shqipëria kërkon revolucion” dhe “Rama jep dorëheqjen”.
Të lidhura
None found
Marshimi kaloi edhe në Rrugën e Kavajës, ku pjesëmarrësit u ndalën për disa minuta në hyrje të zonës së njohur si Rruga e Ambasadave.
Gjatë tubimit, protestuesit hodhën akuza ndaj qeverisë për korrupsion dhe kërkuan ndryshime politike.
Aktivisti Visar Dalipi, teksa iu drejtua protestuesve me megafon, u kërkoi qytetarëve që pretendojnë se janë kërcënuar të paraqiten pranë përfaqësive diplomatike. “Të gjithë ata që ndihen të kërcënuar dhe janë kërcënuar, duhet të bëjnë kërkesën në ambasadë”, deklaroi ai gjatë protestës.
