Qytetarët kanë nisur të organizohen në sheshin “Skënderbej”, ndërsa lëvizja e tyre mbush sot 65 ditë. Kërkesa kryesore e protestuesve mbetet largimi i kryeministrit Edi Rama.
Reagimi, i cili fillimisht u nxit nga zhvillimet në Zvërnec, tashmë është zgjeruar në një lëvizje qytetare kundër qeverisë dhe asaj që organizatorët e quajnë “kastë politike”. Prej më shumë se dy muajsh, protestat zhvillohen çdo ditë dhe shoqërohen me marshime përgjatë akseve kryesore të kryeqytetit, si dhe me thirrje për ndryshim politik.
Të lidhura
None found
Gjatë tubimit të zhvilluar një ditë më parë, aktivistët theksuan se nuk do të heqin dorë nga kauza e tyre dhe ritheksuan kërkesën për dorëheqjen e kryeministrit. Sipas tyre, pakënaqësia qytetare po përhapet edhe në qytete të tjera të vendit për shkak të reformës së re territoriale, pasi propozimi i mazhorancës parashikon shkrirjen e 15 bashkive.
