Në Tiranë, edhe këtë të shtunë po mbahet protesta e aktivistëve dhe qytetarëve, e cila ka arritur në ditën e saj të 28-të, ndërsa në qendër të kërkesave vijon të jetë dorëheqja e kryeministrit dhe e gjithë qeverisë.
Si edhe në ditët e mëparshme, protestuesit kanë nisur grumbullimin në Sheshin “Skënderbej” në orën 19:00, për shkak të temperaturave të larta. Më tej, ata pritet të zhvendosen drejt godinës së Kryeministrisë, ku do të artikulojnë kërkesat e tyre, për të vazhduar më pas me marshim nëpër rrugët e kryeqytetit.
Të lidhura
None found
Disa ditë më parë, organizatorët publikuan pikat kryesore të kërkesave të tyre, ku përfshihet dorëheqja e kryeministrit dhe e qeverisë, si edhe ngritja e një qeverie teknike tranzitore, jopartiake, me mandat 12-mujor.
