Protesta e Berishës, mesazhi i fortë i Flutura Açkës: Kush nxit përplasje mes demokratëve, e dënoftë historia!

Deputetja dhe shkrimtarja e njohur Flutura Açka ka bërë një reagim në lidhje me protestën që ka thirrur sot ish-kryeministri Sali Berisha. Ajo thotë se demokratët janë fjala dhe jo forca, duke shtuar se ata që nxisin dhunë mes tyre, do t’i dënojë historia.

Postimi i plotë:

Demokratët janë 💙, jo mure, jo dritare, jo orendi!

Demokratët janë paqja, jo urrejtja, jo linçimi, jo fyerja!

Demokratët janë Liria, jo dhuna, jo djegia, jo shkatërrimi!

Demokratët janë Ligji, jo muskujt.

Demokratët janë Fjala, jo forca.

Në jemi 80 mijë demokratë, por duhet të respektojmë me paqen dhe civilizimin tonë ata 600 mijë shqiptarë që na votuan më 25 prill 2021. Ata, që i kishin varur kaq shpresa te ne, janë të trishtuar të na e shohin aq hapur etjen për të shqyer familjarin tonë, demokratin përballë.

Ata nuk do të na e falin kurrë qoftë një gur të hedhur sot, as qoftë miniaturat e skenarëve dumbabaiste të vitit 1998.

Kush nxit përplasje të demokratëve mes vedi sot, e dënoftë historia!/albeu.com