Prokuroria ka kërkuar 30 vjet burg për vrasësin e George Floyd, ish-oficerin Derek Chauvin.
Chauvin u dënua për vrasjen në prill dhe pritet të marrë dënimin e formës së prerë më 25 qershor, informon albeu.com.
Sot Prokuroria tha se vrasja kishte “tronditur ndërgjegjen e Kombit” dhe kërkoi një dënim të gjatë.
Por mbrojtja e përshkroi vrasjen si “një gabim të bërë me mirëbesim” bazuar në trajnimin e Derek Chauvin.
Vrasja e George Floyd në maj të 2020 shkaktoi zemërim global dhe një valë demonstratash kundër racizmit dhe përdorimit të forcës nga policia.
Chauvin dhe tre ish-oficerë të tjerë akuzohen edhe për shkeljen e të drejtave civile të George Floyd./albeu.com
