Presidenti Begaj uron 75-vjetorin e Aleancës: Pa NATO-n, siguria globale është e paimagjinueshme

Përmes një statusi në platformën X, presidenti i Shqipërisë, Bajram Begaj, ka reaguar për 75 vjetorin e themelimit të NATO-s.

Kreu i Shtetit, thekson se uniteti dhe vendosmëria janë të rëndësishme për të formësuar një botë të sigurt.

“Duke shënuar 75 vjetorin e NATO-s, ne jemi të bashkuar në mirënjohje me aleatët tanë. Uniteti dhe vendosmëria kanë formësuar botën tonë të sigurt. Pa NATO-n, siguria globale është e paimagjinueshme”, thekson Begaj në reagimin e tij.