Operacioni policor i koduar “Road” është mbyllur me arrestimin e Erjon Hoxhës dhe Emiliano Ninës, ndërsa gjatë ndërhyrjes u sekuestruan edhe një armë zjarri pistoletë dhe municion.
Aksioni u zhvillua nga shërbimet e Forcës së Posaçme “Shqiponja” në bashkëpunim me Komisariatin e Policisë Nr. 4, në kuadër të kontrolleve intensive për goditjen e paligjshmërisë dhe rritjen e parametrave të sigurisë.
Të lidhura
None found
Gjatë operacionit, në rrugën “Fitnete Rexha”, policia ndaloi për kontroll një motomjet me të cilin po lëviznin shtetasit E. N., 31 vjeç, si drejtues, dhe E. H., 21 vjeç, si pasagjer.
Nga kontrolli i ushtruar ndaj shtetasit E. H., policia gjeti në çantën që ai mbante në sup një armë zjarri pistoletë bashkë me municion, të cilat u sekuestruan. Dyshohet se arma mbahej pa leje.
Pas përfundimit të veprimeve procedurale, në flagrancë u arrestua E. H., 21 vjeç, për veprën penale “Mbajtja pa leje e armëve dhe municionit luftarak”, si dhe E. N., 31 vjeç, për veprën penale “Moskallëzimi i krimit”.
