Banorët e 5 majit dhe ata të Laprakës janë grumbulluar ditën e sotmë në protestë për të kundërshtuar prishjen e banesave të tyre, për ndërtimin e Unazës së Madhe.
Me pankarta në duar ata kanë lëvizur drejt Unazës, ku kanë ndërhyrë forcat e policisë që kërkojnë shpërndarjen e tyre.
Në këto momente ka pasur një përplasje të lehtë fizike mes palëve, ndërkohë protestuesit dëgjohen duke thënë “Policia është me ne”, apo “Ju lutemi policisë mos shtyjnë protestuesit”, si dhe “Hapini rrugen ambulances”.
Njëri prej banorëve shprehet për kamerat se kanë marrë leje nga komisariati numër 4 për këtë protestë dhe i duket e pakuptimtë ndërhyrja e policisë.
“Ne e kemi njoftuar se sot do mbanim protest. Kemi lajmëruar 3 ditë më parë policinë. Në vend që të bënin një pikë bllokimi tek ajo farmacia atje, vjen tani dhe na bllokon neve”, tha banori.
Ndërkohë protestat pritet të vijojnë, pasi edhe qeveria duket e vendosur për të mos u ulur në një tryezë me ta dhe për të gjetur një zgjidhje të mesme për çështjen në fjalë./albeu.com/
