Një punonjës i Policisë Rrugore është lënduar rëndë mesditën e sotme në rrugën Maqellarë-Peshkopi. Uniformat blu bëjnë me dije se punonjësi i Policisë Rrugore është lënduar momentin që po rregullonte trafikun në rrugë, të krijuar nga një kamion i cili kishte mnetur në mes të rrugës, pasi i kishte pësuar defekt.
Në momenitn që polici po rregullonte trafikun, ka plasur një nga gomat e kamionit, duke lënduar në këtë mënyrë policin, Tonin Toska.
Të lidhura
None found
Polici ka marrë dëmtime të rënda në dy këmbët, ndërsa është dërguar në spital në gjendje të rëndë shëdetësore.
Pritet helikopteri i Ministrisë së Shëndetësisë për të transportuar punonjësin e Policisë drejt Tiranës për ndihmë mjekësore më të specializuar.
Njoftimi i Policisë
Dibër/informacion paraprak
Rreth orës 14.00, në vendin e quajtur ‘Qenok’, aksi rrugor Maqellarë-Peshkopi, një mjet i tonazhit të rëndë kamion ka pësuar defekt duke bllokuar aksin rrugor. Menjëherë patrulla e Policisë Rrugore ka shkuar në vendin e ngjarjes me qëllim menaxhimin dhe hapjen e trafikut për automjetet.
Gjatë momentit që punonjësi i Policisë Rrugore po rregullonte trafikun, ka plasur njëra nga gomat e kamionit dhe është lënduar rëndë punonjësi i policisë rrugore shtetasi T.T.
Punonjësi i Policisë është dërguar në spital dhe ndodhet në gjendje të rëndë shëndetësore pasi ka dëmtuar të dy këmbët.
Grupi hetimor nën drejtimin e Prokurorisë ndodhet në vendngjarje.
Pritet helikopteri i Ministrisë së Shëndetësisë për të transportuar punonjësin e Policisë drejt Tiranës për ndihmë mjekësore më të specializuar.
