Pjesa e parë e makinës e shkërrmoqur, pamjet nga aksidenti i frikshëm në Kavajë (VIDEO)

Një aksident i rëndë ndodhi mëngjesin e sotëm në aksin Kavajë-Rrogozhinë. Burime nga policia bënë me dije se si pasojë e përplasjes së dy mjeteve mbetën të plagosur dy persona.

Ngjarja ka ndodhur në Gosë, ndërsa siç shihet nga pamjet, përplasja ka qenë tepër e fortë, pasi automjetet kanë pësuar shumë dëmtime.

Dy të plagosurit u dërguan në spital dhe fatmirësisht janë jashtë rrezikut për jetën.

 Njoftimi i policisë:

Rreth orës 09:10, në Gosë, Kavajë, është përfshirë në përplasje mjeti me drejtues shtetasin G. Xh., me mjetin me drejtues K. L. Si pasojë janë dëmtuar shtetaset me iniciale Z. Gj dhe E. K, pasagjere në mjetin me drejtues G. Xh, të cilat u dërguan në spital për kontroll mjekësor, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të ngjarjes.

Shtuar 18.03.2021 11:03