Më e rëndësishmja është se duhet të dini të ndani siç duhet rrobat përpara se t’i lani. Kjo do të thotë se nuk duhet t’i vendosni çarçafët tuaj me çfarëdo lloj rrobe tjetër, por ato duhet të lahen veçmas.

Ndërsa larja e çarçafëve me peshqir nuk është aq shkatërruese sa do të ishte kombinimi i çarçafëve dhe i rrobave me zinxhir, kjo nuk do të thotë se është një ide e mirë. Trashësia dhe materiali i rëndë i peshqirëve mund të dëmtojë çarçafin tuaj të preferuar, ku ekziston rreziku që çarçafët të grisen dhe peshqirët gjithashtu shkaktojnë shumë telashe.

Dallimi mes tyre kërkon cikle të ndryshme larje dhe tharje, pasi çarçafët dhe pëlhurat më të lehta thahen më shpejt se peshqirët.

Sipas Sleep Foundation lani çarçafët tuaj një herë në javë dhe peshqirët çdo tre ditë. Arsyeja për ato larje të shpeshta është e njëjta: lëkura e vdekur dhe se bakteret mund të grumbullohen shumë shpejt.

Një studim i vitit 2015 nga Universiteti Shtetëror i Kansas zbuloi se peshqirët janë produkti më i ndotur në kuzhinë.

“Shumë pjesëmarrës do ta preknin peshqirin përpara se të lanin duart ose do ta përdornin peshqirin pasi t’i lanin duart në mënyrë joadekuate. Edhe pasi i lanë duart siç duhet, ata ripërdorën peshqirin dhe u infektuan përsëri”, thuhet në studim./Albeu.com.

The post Ja pse duhet t’i lani veçmas çarçafët dhe peshqirët appeared first on Albeu.com.

Mikrobet në peshqirë mund të shkaktojnë sëmundje të lëkurës, humbje të flokëve, infeksione të traktit urinar, madje edhe përhapjen e baktereve rezistente ndaj ilaçeve që mund të jenë fatale.

Shumica e baktereve në peshqirë vijnë nga trupi, fytyra dhe duart e përdoruesit. Me lagështinë e lartë që zakonisht ekziston në një banjë, mjedisi bëhet veçanërisht i favorshëm për rritjen e shpejtë të baktereve. Peshqirët që duken të pastër me sy të lirë mund të jenë plot me dhjetëra mijëra baktere.

Bakteret riprodhohen dhe përhapen

Programi televiziv japonez Non Stop testoi përmbajtjen e baktereve në peshqirët e banjës dhe zbuloi se peshqirët e sapo larë përmbanin 190,000 baktere. Pas një dite përdorimi, numri u rrit në 17 milionë – pothuajse 90 herë më shumë se ditën e parë. Numri i baktereve të gjetura në peshqirët e përdorur për tre ditë u hodh në 87 milionë dhe arriti në 94 milionë në peshqirët e përdorur për një javë pa u larë.

Noritoshi Ri, drejtor i Qendrës Kërkimore të Higjienës dhe Mikrobiologjisë në Tokio, shpjegoi se numri i baktereve në një peshqir pas një jave përdorimi mund të arrijë në 10 miliardë dhe është i barabartë me një tub kanalizimesh.

Ato shkaktojnë sëmundje të lëkurës

William Chao, një toksikolog në Tajvan, tha se nëse peshqirët lihen të palarë për tre ditë, ato përmbajnë një shumëllojshmëri mikrobesh dhe se përdorimi i tyre për pastrim është “si të fshish trupin në tualet”. Përveç E. coli – që është më e zakonshme – janë gjetur baktere të tjera si stafilokoku, salmonela dhe legjionela (një lloj pneumonie).

Fshirja e trupit me peshqirë të papastër mund të çojë në probleme të lëkurës si alergji, folikulit, rënie të flokëve. Shumë njerëz kanë zakon të ndajnë peshqirë, duke përfshirë familjet me fëmijë dhe çiftet.

Nëse njëri prej përdoruesve ka një infeksion, peshqiri mund të bëhet një terren pjellor për bakteret, duke shkaktuar infeksione të përsëritura.

The post E lini peshqirin më shumë se 3 ditë pa larë? Sapo të zbuloni këtë fakt, nuk do e bëni sërish appeared first on Albeu.com.

Dhe nuk janë vetëm peshqirët e banjës që mund të preken. Një studim i vitit 2014 i publikuar në Food Protection Trends tregoi se koliformet u gjetën në gati 90% të peshqirëve të duarve dhe 25% u zbulua se përmbanin E. coli. Për më tepër, një studim i vitit 2020 i botuar në Gazetën Afrikane të Sëmundjeve Infektive mblodhi 50 peshqirë për analizë dhe zbuloi se të gjithë përmbanin baktere E. coli dhe 96% gjithashtu përmbanin baktere Staphylococcus aureus.

Në vitin 2019, Drench anketoi publikun britanik dhe zbuloi se 56% e çifteve thanë se ndajnë peshqirët. Fatkeqësisht për këto çifte, ky mund të jetë një problem duke pasur parasysh përmbajtjen e lartë të mikrobeve që gjendet në shumicën e peshqirëve të banjës. Përveç ndarjes së baktereve, përdorimi i peshqirit të dikujt tjetër mund t’ju ekspozojë ndaj lëkurës së vdekur dhe folikulave të flokëve të partnerit tuaj, të cilat mund të transferojnë bakteret prej tyre tek ju.

Kjo nuk do të thotë domosdoshmërisht se ju do të sëmureni automatikisht vetëm sepse po përdorni peshqirin e partnerit tuaj. Megjithatë, nëse keni lëkurë të thatë ose një prerje diku në trupin tuaj, mikroorganizmat patogjenë të pranishëm në peshqirin tuaj mund të gjejnë rrugën e tyre në trupin tuaj, duke çuar në sëmundje ose infeksion.

Sipas Healthline, është një ide e mirë të shmangni fshirjen me peshqirë të lagur, duke i lejuar ato të thahen plotësisht ndërmjet përdorimit. Ju gjithashtu duhet t’i lani ato rregullisht, të paktën pasi të keni përdorur një peshqir të veçantë tre herë. Sigurisht, ka disa situata kur një peshqir duhet të futet në lavatriçe pas vetëm një përdorimi. Kjo përfshin peshqirët e përdorur në palestër, por edhe peshqirë të varur në një banjë që priret të jetë më i lagësht, dhe çdo peshqir që ka marrë lëngje trupore në të.

Duhet të keni parasysh edhe llojin e peshqirit që përdorni. Për shembull, peshqirët prej pelushi mund të kërkojnë më shumë kohë për t’u tharë, ndërsa peshqirët me mikrofibër thahen mjaft shpejt, duke i bërë ato ideale për ata që duan të fshihen në palestër. Gjithashtu, nëse është e mundur, duhet t’i varni peshqirët në një shufër peshqiri, në krahasim me një grep, i cili do të lejojë tharje më të plotë. Duke i mbajtur peshqirët tuaj të thatë dhe duke i larë rregullisht, do t’i mbani larg mikrobet dhe do të siguroheni që të qëndroni të pastër edhe pasi të fshiheni me ta. /albeu.com

The post Pse nuk duhet ta ndani kurrë peshqirin me dikë tjetër appeared first on Albeu.com.

Jo rrallëherë hasemi me mendimin se nëse përdorni peshqirin e tualetit për tu fshirë pas çdo dushi, patjetër që qëndron i pastër. Gjë që nuk është me të vërtetë nëse lexoni me kujdes në vijim.

Pse keni nevojë të ndryshoni peshqirin e tualetit në intervale të rregullta

Sipas Reader’s Digest, bakteret shumohen shumë lehtë në peshqirët tuaj, që do të thotë se rinovimi i rregullt i tyre është një nevojë urgjente.

Edhe edhe pse hiqni çdo bakter nga dushi, disa arrijnë të qëndrojnë dhe të transferohen në peshqirin tuaj, nëse fshiheni me të. Pra, sapo bakteret të jenë atje, ato do të fillojnë të shumohen dhe rriten dita ditës, ndërsa përdorni të njëjtën peshqir gjithnjë e më shumë.

Në fakt, një studim i udhëhequr nga Chuck Gerba, një profesor i mikrobiologjisë në Universitetin e Arizonës, zbuloi se peshqirët e përdorur të dorës kanë 1.000 herë më shumë baktere sesa ato të blera relativisht kohët e fundit. Bakteret e duan mjedisin e errët dhe të lagësht, kështu që ata do të lulëzojnë në një banjo me avull të nxehtë nga dushi dhe dera e mbyllur.

Skenari më i keq është infeksioni dhe aknet

Fshirja e trupit tuaj me një peshqir të ndotur mund të përbëjë një rrezik të konsiderueshëm infeksioni. “Kur fshini me një peshqir fuqishëm, ju gërvishtni lëkurën tuaj,” thotë Dr. Gerba. Këto pore të vogla në lëkurën tuaj, të cilat janë shumë të vogla për ju që t’i vëzhgoni me sy të lirë u japin baktereve një hyrje në trupin tuaj.

Sidoqoftë, është “jashtëzakonisht e pazakontë” të marrësh një sëmundje nga peshqiri i banjës, thotë Aaron Glatt, një specialist i sëmundjeve infektive në Shoqërinë Amerikane të Sëmundjeve Infektive. “Mikrobet tuaja nuk do t’ju sëmurë, por ju rrisni shanset për t’u sëmurë kur shpërndani peshqir,” shtoi ai. Gerba. Ndërsa, nëse jeni të prirur ndaj akneve, mund t’ju duhet të lani peshqirin tuaj sa herë që e përdorni, thotë Dr. Tierno.

Sidoqoftë, edhe nëse nuk lejoni që dikush tjetër të prekë peshqirin tuaj, Dr. Gerba dhe Dr. Tierno rekomandon larjen e peshqirëve tuaj të banjës çdo dy ose tre ditë.

The post Sa shpesh duhet ndërruar peshqiri i tualetit? appeared first on Albeu.com.

1-Aplikoni produktet tuaja të preferuara të stilimit (p.sh., vajin ose kremin për kaçurrela) për të përgatitur flokët.

2-Vendosni peshqirin (ose bluzën) në një sipërfaqe të sheshtë.

3-Përkulni kokën poshtë, rrokullisni flokët tek copa dhe më pas kapini.

4-Tani vjen pjesa argëtuese, e cila është mbështjellja e flokëve tuaj.

The post Përgjysmoni kohën e tharjes dhe stilimit të flokëve vetëm me 1 peshqir (FOTO LAJM) appeared first on Albeu.com.

Dera e furrës është vendi më i keq në kuzhinë për të varur peshqirin. Kjo pasi doreza e derës së furrës është e mbushur plot me mikrobe dhe mbetje ushqimore.

Po ashtu, është pjesa e kuzhinës që shumë anëtarë të familjes ndoshta e prekin disa herë gjatë ditës.

Më e mira që mund të bëni është të keni një varëse pranë furrës vetëm për peshqirin.

The post Pse nuk duhet ta varni kurrë peshqirin e kuzhinës në derën e furrës appeared first on Albeu.com.

I kushtojmë shumë rëndësi lëkurës, kryesisht asaj të fytyrës dhe shpenzojmë shumë kohë duke u informuar për larësit më të mirë apo për mënyrën si duhet ta lajmë fytyrën, por anashkalojmë disa gjëra të tjera, po aq të rëndësishme.

Për shembull, çfarë duhet të dimë për tharjen e fytyrës, pasi e kemi larë? Sipas dermatologëve, tharja e fytyrës është edhe më e rëndësishme nga sa mund ta mendoni.

Një pyetje që mund t`ju kalojë shpesh në mendje: A mund të përdorim të njëjtin peshqir si për fytyrën, ashtu edhe për trupin? Absolutisht, jo! Duhet t`i ndani peshqirët e fytyrës nga ata të trupit dhe nuk është vetëm një çështje higjiene.

Produktet që përdorni për trupin si: hidratuesit, larësit, parfumet etj. nuk duhet të përfundojnë në fytyrën tuaj, pasi mund të japin efekte të padëshiruara. Mund të bllokojnë poret, mund të shkaktojnë puçrra dhe irritime.

Në fakt, bakteret mbeten në çdo peshqir që mund të përdorni, prandaj duhet të mbani një peshqir të veçantë për fytyrën dhe të siguroheni që të qëndrojë sa më i pastër.

Për këtë arsye duhet t`i ndërroni peshqirët sa më shpesh të mundeni, ndoshta çdo dy ditë, por nëse keni fytyrë problematike, duhet t’i ndërroni akoma edhe më shpesh.

The post Përdorni të njëjtin peshqir për trupin dhe fytyrën? Pse s’duhet ta bëni më kurrë appeared first on Albeu.com.

Nëse do të dish metodat më të mira të pastrimit, mësoji nga specialistja. Lexo disa udhëzime sesa rregullisht duhet t’i lash këto aksesorë prej cohe, që përdoren më shpesh.

Peshqirët e trupit

Larja e rekomanduar: Çdo 3 apo 4 përdorime

Edhe pse janë krijuar për përdorim të shpeshtë, ato mund të nisin të mbajnë erë pas disa përdorimesh, sidomos nëse nuk ajrosen si duhet pas përdorimit. Nëse bën stërvitje, ose ke një punë të lodhshme fizike, laji edhe më shpesh dhe mos i ndaj me asnjë anëtar të familjes që mund të ketë një infeksion të lëkurës.

Çarçafët

Larja e rekomanduar: Çdo javë ose çdo 2 javë

“Shtrojet e shtratit mund të përdoren në mënyra të  ndryshme, prandaj edhe shpeshtia e larjes është individuale. Nëse janë bërë me njolla, nëse dikush në familje është sëmurë, nëse fle e zhveshur ose pothuajse, ose nëse shkon të flesh pa bërë dush pas palestrës, duhet t’i lash më shpesh. Edhe stinët janë gjithashtu një faktor. Në varësi të stilit të jetës, shtrojet mund të kenë nevojë për më shumë larje gjatë verës, duke qenë që djersijmë më shpesh dhe djersa kalon te peshqirët dhe çarçafët.

Peshqirët e enëve

Larja e rekomanduar: 2 herë në javë

”Peshqirët e kuzhinës grumbullojnë copëza ushqimi dhe këto njolla mund të krijojnë baktere dhe erëra të rënda, kështu që duhet t’i lash çdo javë nëse gatuan rregullisht, por nëse peshqirët e kuzhinës nuk përdoren shpesh dhe qëndrojnë të varur sa për dekor, një herë në muaj mjafton”- thotë Richmond.

Peshqirët e duarve

Larja e rekomanduar: Çdo 2-3 ditë.

Duke qenë që peshqirët e duarve zakonisht janë të varura në një hapësirë me shumë qarkullim dhe të favorshme për zhvillimin e baktereve dhe përdoren nga shumë njerëz, është e arsyeshme t’i hedhësh në lavatriçe më shpesh sesa gjithë peshqirët e tjerë.

Jastëkët

Larja e rekomanduar: Një herë në gjashtë muaj

Jastëku, qoftë i mbushur me pupla apo fibra sintetike, duhet larë dy herë në vit për të mos lejuar që era dhe njollat të bëhen të përhershme. Ndiq udhëzimet e pastrimit me përpikëri, mund të lahen në lavatriçe ose në pastrim kimik dhe sigurohu që të jetë plotësisht i thatë para se ta vendosësh në shtrat.

Pastrim të mbarë!

The post Nga peshqirët e trupit tek jastëkët, e dini sa shpesh duhen larë këto produkte? appeared first on Albeu.com.