Një grua është përplasur nga një motor mbrëmjen e sotme, teksa lëvizte në këmbë përgjatë aksit kombëtar Gramsh-Cërrik.
Aksidenti u regjistrua rreth orës 18:25. Nga informacionet paraprake dyshohet se drejtuesi i motorit po udhëtonte me shpejtësi dhe goditi këmbësoren, e cila u rrëzua në asfalt dhe pësoi dëmtime të shumta trupore.
Të lidhura
None found
Për shkak të plagëve, gruaja ka humbur përkohësisht ndjenjat në vendin e ngjarjes.
Pas përplasjes, drejtuesi i motorit ka ndaluar një automjet që po kalonte aty pranë. Me ndihmën e drejtuesit të këtij automjeti, ai ka transportuar të dëmtuarën në spital për të marrë trajtimin mjekësor.
Më pas, drejtuesi i motorit ka lënë mjetin dhe është larguar nga vendngjarja.
Shërbimet e Policisë pritet të mbërrijnë në zonë për të kryer veprimet procedurale, dokumentuar aksidentin dhe identifikuar drejtuesin e motorit.
Grupi hetimor vijon punën për të sqaruar rrethanat e plota të ngjarjes, ndërsa priten të dhëna të tjera për gjendjen shëndetësore të këmbësores.
