Duket se një virus i ri po kërcënon mbarë botën.
Bëhet fjalë për virusin Zika, i cili rrezikon të përhapet me shpejtësi.
Studiuesit paralajmërojnë se njerëzimi mund të jetë në prag të një shpërthimi të ri të virusit Zika.
Virusi shkaktoi një emergjencë mjekësore globale në vitin 2016, me mijëra foshnje të lindura me tru të dëmtuar pasi nënat e tyre u infektuan gjatë shtatzënisë.
Nëse një nënë infektohet me virusin gjatë shtatzënisë, ai mund të dëmtojë foshnjën në zhvillim, duke shkaktuar mikrocefali (kokë të vogël) dhe ind të dëmtuar të trurit.
Zika përhapet nga pickimet e mushkonjave të infektuara Aedes, që kryesisht gjenden në Azi dhe në të gjithë Amerikën, me përjashtim të zonave që janë shumë të ftohta për të mbijetuar.
Studiuesit në SHBA thonë se një mutacion i vetëm është potencialisht i mjaftueshëm për të shkaktuar një përhapje shpërthyese.
