Përdornin çantat e fëmijëve për kokainën, “zbërthehet” skema miliona dollarëshe e trafikantëve

Pesë persona u arrestuan në New York, të akuzuar se kanë organizuar një rrjet të trafikimit të kokainës me vlerë miliona dollarë.

Sipas burimeve nga mediat e vendeve fqinje, kokaina transportohej duke përdorur çanta me të cilat fëmijët marrin ushqimin në shkollë.

Çantat e përdorura, shumica prej të cilave mbanin fotot e personazheve të dashur për fëmijët, dërgoheshin me postë në Nju-Jork dhe Masaçusets, sipas Prokurorit Special të Antidrogës.

“Kjo ishte praktika normale e punës për këtë organizatë”, tha prokurorja speciale Bridget G. Brennan. “Por policisë nuk ia hodhën dot me këtë taktikë”.

Drejtuesit e kësaj bande, Carlos Duarte, 36 vjeç, dhe Alexis Garcia, 41 vjeç, akuzohen se kanë dërguar disa pako me çanta të mbushura me kokainë nga Porto Rico në New-York në periudhën maj 2020-korrik 2021.

Të arrestur janë edhe 3 persona të tjerë. Hetuesit thanë se gjatë operacionit kanë sekuestruar 30 kilogramë kokainë./ albeu.com/

 


Shtuar 28.10.2021 14:22