Edhe pse gjatë fjalës së tij për mediat në shkallët e selisë së LSI-së Meta konfirmoi se nuk do të rikthehej në drejtimin e partisë, ish-presidenti ka bërë një reagim tjetër në “facebook”.
Meta konfirmon se nuk do të marrë partinë, por u kthye në seli për të çuar mesazhin të populli i 2 marsit.
Postimi i plotë i Metës:
SOVRANITETI NË SHQIPËRI I PËRKET POPULLIT. ??
PARTIA E REFERENDUMIT NA PRET! ??
Drejtimin e LSI e lashë me vullnet të lirë para 5 viteve për arsye të rrethanave, që u krijuan në vend. Nuk u riktheva sot për të rimarrë drejtimin e kësaj partie, por për të sjellë mesazhin e popullit të 2 marsit, pjesë e të cilit ka qenë edhe LSI në ato momenten, si dhe për t’u bashkuar të gjithë së bashku në triumfin e mesazhit të 2 marsit: Sovraniteti në Shqipëri i përket popullit.
Kjo do bëhet e mundur në mënyrë të padiskutueshme.
Partia e referendumit na pret!
Kjo zgjidh çdo problem, nga oligarkët te kapja e shtetit. Referendumi do të jetë “Shpata e Demokleut” mbi të gjithë ata që abuzojnë me besimin e popullit të Shqipërisë dhe mbi Esad Pashët e rinj, që kanë tradhëtuar interesin kombëtar dhe i kanë ngulur thika pas shpine Kosovës. /albeu.com
