Një tërmet i fuqishëm me magnitudë 7.8 Rihter ka goditur mëngjesin e sotëm juglindjen e Turqisë dhe veriun e Sirisë.
Numri i viktimave besohet se është 360, teksa zyrtarët shëndetësorë në kryeqytetin sirian, Damask, kanë raportuar se 237 persona kanë vdekur në zonat që kontrollohen nga Qeveria siriane.
Një video e rëndë është shpërndarë në rrjetet sociale në Turqi sot. Një qytetare ka publikuar në rrjete sociale një video ku tregon se ndodhet nën rrënoja, i bllokuar. Ajo kërkon ndihmë.
Kujdes pamje të rënda
Pas tërmetit të fuqishëm janë ndjerë të pakëtn 18 pasgoditje të tjera me magnitudë mbi 4 të shkallës Rihter.
Pista e aeroportit në Hatay është ndarë në mes si pasojë e lëkundjeve të fuqishme të tokës.
USGS tha se regjistroi shtatë tërmete me magnitudë mbi 5. Pasgoditja më e fortë deri më tani u regjistrua vetëm 11 minuta pas tërmetit të parë dhe kishte një magnitudë 6.7, tha USGS.
Ekspertët thonë se pasgoditjet e forta ka të ngjarë të vazhdojnë në orët dhe madje edhe ditët në vijim pas një tërmeti aq të fortë sa ai që përjetoi Turqia të hënën në mëngjes./albeu.com/
