Një tjetër shtet vendos kufizime për Tik-Tok: Kina me program agresiv kibernetik

Ministria e Brendshme holandeze ka njoftuar se do të ndjekë hapat e vendeve të tjera evropiane dhe do të ndalojë instalimin e medias sociale kineze TikTok tek nëpunësit civilë holandezë, në telefonat e tyre të punës.

Vendimi u mor pasi Kina konsiderohet si një nga “vendet me një program agresiv kibernetik që synon interesat e Holandës”.

Agjencia holandeze e inteligjencës AIVD renditi Kinën, Rusinë, Iranin dhe Korenë e Veriut si vende me këtë lloj programi agresiv kibernetik, i cili rrit rrezikun e spiunazhit.

Këtë muaj, Belgjika ndaloi gjithashtu TikTok, i cili është në pronësi të kompanisë kineze ByteDance, nga telefonat dhe kompjuterët e punonjësve të qeverisë federale. /albeu.com


Shtuar 21.03.2023 18:54