Një numër i madh peshqish kanë ngordhur në rezervuarin e Kasharajt, në Lushnjë, pasi niveli i ujit ra ndjeshëm.
Në fillim u dyshua se rënia e ujit mund të lidhej me mungesën e reshjeve. Por, sipas informacionit të bërë publik, rezervuari po zbrazet për t’i hapur rrugë punimeve që Bashkia e Lushnjës pritet të kryejë për rikonstruksionin e portës dalëse.
Të lidhura
None found
Si pasojë e zbrazjes, disa pjesë të rezervuarit kanë mbetur me baltë dhe me sasi shumë të vogla uji, duke çuar në ngordhjen e shumë peshqve.
Pamjet nga vendi tregojnë peshq të ngordhur të shpërndarë në numër të madh përgjatë shtratit të rezervuarit.
Nuk është sqaruar ende nëse para zbrazjes u ndërmorën masa për zhvendosjen apo mbrojtjen e faunës ujore, dhe as sa është dëmi i përgjithshëm mjedisor.
