Një ngjarje tronditese ka ndodhur mbrëmjen e sotme ne Hamallaj të Durrësit, teksa një 66-vjeçar ka ndërruar jetë pasi ka rrëshkitur në brendësi të një pusi.
Mësohet se shtetasi me iniciale O. P. ka qenë duke pastruar pusin e ujit në banesën e tij, ku dyshohet se ka rrëshkitur dhe ka rënë në brendësi duke humbur jetën.
Njoftimi i policisë:
Durrës/Informacion paraprak
Rreth orës 20:15, në Hamallaj, Durrës, shtetasi O. P., 66 vjeç, duke pastruar pusin e ujit në banesën e tij, dyshohet se aksidentalisht ka rrëshkitur dhe ka rënë në brendësi të pusit dhe për pasojë ka humbur jetën.
Grupi hetimor nën drejtimin e Prokurorisë ndodhet në vendngjarje dhe po punon për sqarimin e rrethanave të ngjarjes.
