Mëngjesin e kësaj të shtune, Vlora është vendosur nën masa të shtuara sigurie, përpara protestës së paralajmëruar nga shoqëria civile kundër instalimit të TEC-eve lundruese në zonën e Triportit.
Mbi 200 forca policie janë dislokuar në terren, mes tyre efektivë të rendit, Njësia “Shqiponja”, Njësia Delta, si edhe Forcat e Ndërhyrjes së Shpejtë të ardhura nga disa qytete të vendit.
Të lidhura
None found
Sipas organizatorëve, qytetarët janë ftuar t’i bashkohen tubimit për të kundërshtuar këtë projekt, duke kërkuar njëkohësisht pezullimin e tij dhe më shumë transparencë nga institucionet.
Organizatorët kanë shprehur gjithashtu kundërshtimin e tyre ndaj rrethimit të zonës dhe vendosjes së TEC-eve lundruese në Triport.
Në zonë situata paraqitet e qetë, ndërsa mbetet në pritje zhvillimi i protestës dhe mënyra se si autoritetet do të administrojnë tubimin dhe ruajtjen e rendit publik gjatë ditës.
