Policia e Tiranës ka vijuar aksionet kundër shpërndarjes së drogave të forta dhe ka goditur një tjetër rast të trafikut të kokainës në kryeqytet.
Operacioni i koduar “Destinacioni”, i zhvilluar nga specialistët e Seksionit për Hetimin e Narkotikëve, përfundoi me arrestimin në flagrancë të një 38-vjeçari në zonën e Mëzezit.
Të lidhura
None found
I ndaluari është shtetasi A. K., 38 vjeç, banues në Tiranë. Gjatë kontrollit të automjetit “Audi” që ai drejtonte, uniformat blu zbuluan një qese me rreth 100 gramë lëndë të dyshuar narkotike kokainë, e cila dyshohet se ishte përgatitur për shitje.
Si droga ashtu edhe automjeti u sekuestruan në cilësinë e provës materiale.
NJOFTIMI I POLICISE
Tiranë/Vijojnë operacionet kundër shitjes së drogave të forta, në zona të ndryshme të kryeqytetit. Operacioni “Destinacioni”/ Arrestohet në Mëzez, një 38-vjeçar, me qese me Kokainë, në automjet, gati për shitje.
Sekuestrohen rreth 100 gramë lëndë e dyshuar narkotike Kokainë, dhe automjeti tip “Audi”. Si rezultat i administrimit të shpejtë të informacioneve të siguruara nga puna operative, në vijim të aksioneve të Policisë së Tiranës, për kapjen e shtetasve që shesin lëndë narktotike në sasi dhe në doza, në zona me frekuentim të lartë dhe në zona të tjera të kryeqytetit, specialistët e Seksionit për Hetimin e Narkotikëve finalizuan operacionin e koduar “Destinacioni”.
Gjatë operacionit u arrestua në flagrancë shtetasi A. K., 38 vjeç, banues në Tiranë. Nga kontrollet në automjetin tip “Audi” që ky shtetas drejtonte në fshatin Mëzez, u gjet një qese me rreth 100 gramë lëndë të dyshuar narkotike Kokainë, gati për shitje. Lënda narkotike u sekuestrua me cilësinë e provës materiale, bashkë me automjetin ku u gjet. Materialet procedurale iu referuan Prokurorisë së Tiranës, për veprime të mëtejshme.
