Bisedimet me Ukrainën po vazhdojnë në mënyrë virtuale, me të dyja palët duke diskutuar çështje ushtarake, politike dhe humanitare, ka thënë ministria e jashtme e Rusisë.
Negociatat kanë rifilluar një ditë pasi ministri i Jashtëm rus Sergei Lavrov tha se statusi neutral për Ukrainën po “diskutohej seriozisht”.
Ai shtoi: “Ka formulime absolutisht specifike që për mendimin tim janë afër marrëveshjes.”
Kremlini veçmas tha se ideja e krijimit të një Ukrainë të çmilitarizuar si Austria mund të shihet si një kompromis për të sjellë fundin e luftës.
Austria ka ushtrinë e saj, por është e detyruar të neutralizohet nga Traktati i Shtetit Austriak i vitit 1955 dhe kushtetuta e saj, e cila ndalon hyrjen në aleanca ushtarake dhe krijimin e bazave të huaja ushtarake në territorin austriak.
Sipas një marrëveshjeje të ngjashme, ka të ngjarë që Ukraina të mos jetë në gjendje të bashkohet me NATO-n.
