Miliona euro kokainë fshehur në kontejnerat e bananeve, të arrestuarit dalin para gjykatës

Vetëm pak ditë më parë në Portin e Durrësit u kan 143 kilogramë kokainë, e fshehur në kontejnerat e bananeve.

Dy administratorët e kompanisë ‘Masabi Fruits’ Klajdi Xibraku dhe Erion Peti  u arrestuan të shtunën nga policia, ndërsa ditwn e sotme kanë dalë para gjykatës.

Ata dyshohen si porositësit e kokainës, por në deklaratën e tyre të parë kanë mohuar lidhjen me “mallin”.

Paketimi me imazhin e Pablo Escobar

Droga ishte fshehur në tavanin e kontejnerite ndarë në 200 pako të mbështjella me natriban dhe me mbishkrime përcaktuese si dhe fotografinë e trafikantit famëkeq Pablo Escobar. Në pakot e kokainës ishte shkruar  në spanjisht ‘El Mejor” (më e mira) dhe ‘Viejon’ (i moshuar).

Itinerari

40 ditë më parë  në fillim të muajit mars, ngarkesa është futur në kontejner dhe më pas është ngarkuar në anijen “MSC MIRRELLA” në portin Guayaquil në Ekuador. Nga Ekuadori ngarkesa ka përfunduar ne portin e Panamasë të quajtur Rodman, ku është ngarkuar në anijen e transportit “MSC NAOMI” dhe është nisur drejt Italisë për të kaluar tranzit në portin e “GIOIA TAURO” në Kalabri.

Në këtë port, konteineri bashkë me anijen kanë qëndruar pak më shumë se një javë. Më pas është nisur me anijen “Contiship” drejt portit të Pireut në Greqi dhe nga andej dje në mëngjes ka mbërritur në Shqipëri. Në Greqi është nisur drejt Shqipërisë me anijen “Dance”. Pasi ka lënë ngarkesën në Durrës anija ka pasur destinacion final portin e Tivarit në Malin e Zi.

Shtuar 13.04.2021 10:04