Qytetarët në Tiranë kanë mbushur bulevardin “Dëshmorët e Kombit” përpara Kryeministrisë, ku pas fjalimeve të aktivistëve kanë vendosur të nisin një marshim masiv në rrugët kryesore të kryeqytetit.
Qytetarët e shumtë në numër po ecin drejt Sheshit Skënderbej, duke vazhduar me itinerarin e protestës nën thirrjet “Rama ik!” dhe “Edi Rama jep dorëheqjen”.
Të lidhura
None found
Ata më herët përveçse kanë kërkuar dorëheqjen e kryeministrit u kanë bërë thirrje punonjësve të administratës që t’i bashkohen marshimit.
Mesazhi i tyre ishte se problemet e vendit prekin të gjithë pa dallim, qoftë mungesa e ujit të pijshëm, ndotja e lumenjve apo pasojat e pandemisë.
Sipas tyre, e vetmja ndarje që ekziston është ajo e krijuar nga Edi Rama, i cili pas më shumë se 20 ditësh protestash duhet të kuptojë se i ka ardhur fundi.
