Meta nge alarmin: Ulja e eksportit të frutave dhe perimeve mund të sjellë braktisje të fshatit

Presidenti Ilir Meta ka ndarë në Facebook një artikull të revistës Monitor që tregon se për herë të parë pas 16 vitesh kemi rënie të eksportit të perimeve.

Meta ka ngritur alarmin e kjo rënie mund të sjellë braktisje të fshatit dhe ka bërë thirrje të ndalet me çdo kusht ky trend.

“Ulja për herë të parë pas 16 viteve e eksporteve të perimeve, po i heq fermerit dhe bujqësisë tonë një ndër avantazhet e saj të pakta krahasuese në rajon dhe më gjerë.

Pas rrudhjes alarmante të prodhimit blegtoral dhe pakësimit drastik të numrit të krerëve në këto vitet e fundit, ky është një tjetër tregues mjaft shqetësues për nivelin e ulët të mbështetjes së bujqësisë dhe fshatit, për koston e lartë të papërballueshme të prodhimit bujqësor dhe blegtoral.

Kjo është një premisë e rrezikshme për braktisjen e fshatit dhe të vendit nga pamundësia për prodhim dhe shitje.

Është një obligim atdhetar, që të ndalet me çdo kusht ky trend negativ nga Qeveria duke rritur mbështetjen për fermerët dhe mbrojtur prodhimin vendas nga konkurrenca e pamëshirshme dhe e pandershme nga importet”, shkruan Meta./albeu.com

Shtuar 20.01.2022 11:10