Nën kërcënimin e një hanxhari, dy burra, kanë grabitur një dyqan në Dudley të Anglisë.
Sipas mediave të huaja, dy burrat hynë në dyqanin në Old Park Road dhe kërcënuan punëtorin duke i kërkuar paratë dhe sendet me vlerë që ndodheshin brenda dyqanit.
Ata mbërritën dhe u larguan nga vendi i ngjarjes me një Audi të bardhë, që po drejtohej nga një person tjetër, bazuar në deklaratën e policisë.
Uniformat blu, kanë kërkuar ndihmën e qytetarëve për të identifikuar personat e përfshirë dhe përbri kërkesës ato kanë publikuar dhe videon e momentit të grabitjes.
“E dimë që fytyrat e tyre janë mbuluar në pamjet nga kamerat e sigurisë, por ky mund të ketë qenë një incident shumë i rëndë dhe e dimë që dikush mund të ketë informacione”, thuhet në deklaratën e policisë./albeu.com
