Një 42-vjeçar, i cili po transportonte 5 thasë me kanabis është arrestuar nga policia e Durrësit.
Blutë informojnë se në kuadër të operacionit policor të koduar “Sinjalizimi”, në fshatin Ishëm, është ndaluar për kontroll automjeti tip “Benz”, me drejtues shtetasin Marjan Kurti.
Të lidhura
None found
Gjatë kontrolleve, në bagazhin e këtij automjeti, u gjetën 5 thasë me lëndë të dyshuar narkotike cannabis sativa, me peshë totale 26 kilogramë, sasi e cila u sekuestrua me cilësinë e provës materiale.
Në vijim të veprimeve procedurale për këtë rast, specialistët e Sektorit për Hetimin e Narkotikëve të DVP Durrës arrestuan në flagrancë shtetasin Marjan Kurti, 42 vjeç, banues në Fushë Krujë, për veprën penale “Prodhimi dhe shitja e narkotikëve”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./Albeu.com
