Zgjedhjet e zhvilluara në shtator në tri lande gjermane sollën një goditje të rëndë për CDU-në e kancelarit Friedrich Merz.
Të lidhura
None found
Në Saksoni-Anhalt, CDU-ja përgjysmoi përqindjen e votave dhe humbi drejtimin e landit, ndërsa një rezultat i ngjashëm u regjistrua edhe në qytet-landin e Berlinit. Në disa lande, rënia e partisë ishte historike: CDU-ja nuk arriti të kapë as pragun zgjedhor, një zhvillim i paprecedentë në historinë e Gjermanisë së pasluftës.
Pas një periudhe të gjatë me mbështetje të dobët, kancelari Friedrich Merz ka pësuar një tjetër rënie në sondazhe. Edhe qeveria e koalicionit, e përbërë nga CDU, CSU dhe SPD, gëzon nivel të ulët besimi. Vetëm një në dhjetë gjermanë shprehet i kënaqur me punën e qeverisë dhe të kancelarit, duke shënuar në të dyja rastet nivele historikisht të ulëta. Madje, edhe brenda elektoratit të CDU-së, vetëm 40 përqind janë ende të kënaqur me Friedrich Merzin.
Të dhënat vijnë nga sondazhi i fundit i institucioneve gjermane, i realizuar me 1303 votues gjatë periudhës 28-30 shtator. Sipas rezultateve, Alternativa për Gjermaninë, AfD, e cila përmban elementë të ekstremizmit të krahut të djathtë, renditet si forca kryesore politike, ndërsa CDU-ja zbret në 20 përqind.
Nëse zgjedhjet për Bundestagun do të zhvilloheshin tani, Unioni CDU/CSU do të merrte vetëm 20 përqind të votave, një nga rezultatet më të dobëta në historinë e tij. Në të njëjtën kohë, AfD kryeson me 27 përqind mbështetje.
